Չնայած շնչառությունը կատարվում է ինքնաբերաբար, մեզանից շատերը չգիտեն, որ շնչառության միջոցով հնարավոր է կառավարել մեր մտքերն ու զգացմունքները։ Իրականում, ձեր ապրած ցանկացած զգացմունք համընկնում է շնչառության որոշակի ռիթմի հետ։ Փոխելով շնչառության ռիթմը՝ դուք կարող եք փոխել ձեր էմոցիանները։

Օրինակ, դուք կսովորեք այսպես կոչված խաղաղության շնչառությունը, որի ժամանակ շունչը և արտաշունչը երկար ու սահուն են և որը ձեր մտքին հանդարտություն ու անդորր է հաղորդում։ Մյուս տեխնիկան մենք «յոգայական սուրճ» ենք անվանում. այն կբարձրացնի ձեր էներգիայի և կենտրոնացվածության մակարդակը (առանց կոֆեինի բացասական հետևանքների)։ Դասընթացի հիմնաքարը Սուդարշան Կրիյան է, որը հատուկ շնչառական ռիթմերի  կիրառմամբ ազատագրում է ձեզ և առանց ճիգեր գործադրելու՝ ուղեկցում դեպի մեդիտատիվ վիճակ։

Դուք հաճելիորեն կզարմանաք՝ բացահայտելով, թե շնչառությունն ինչ արագ է  հանգստացնում միտքը և ինչ հեշտ է դարձնում մեդիտացիան:

Ի հավելումն շնչառական մի շարք հիմնարար վարժանքների (պրանայամանների), «Երջանկություն» ծրագիրը ներառում է մի եզակի տեխնիկա, որն անվանում ենք Սուդարշան Կրիյա։ Բազմաթիվ մարդիկ, ովքեր փորձել են այլ շնչառական վարժանքներ կամ մեդիտացիաներ, ասում են, որ Սուդարշան Կրիյան ամենաուժեղ և արդյունավետ գործիքն է, որ երբևէ կիրառել են։

Այն ձեզ դարձնում է հանդարտ, բայց միևնույն ժամանակ՝ էներգիայով լի, կենտրոնացած, միևնույն ժամանակ՝ հանգիստ, ավելի շատ ուրախություն և երջանկություն է բերում ձեր կյանք, անցկացնում է հոգնածությունը և բացասական հույզերը, ինչպիսիք են ջղայնությունը, հիասթափությունը և դեպրեսիան։

Ավելի քան 70 անկախ հետազոտություններ են իրականացվել «Երջանկություն» ծրագրի ժամանակ ուսուցանվող շնչառական վարժությունների վերաբերյալ:

Ահա այդ հետազոտությունների առավել տպավորիչ բացահայտումները․

• Մինչև 87.5%-ով նվազեցնում է սթրեսը բիո-մարկերների մակարդակում (սերում կորտիսոլը և արյան լակտատը) [4, 6, 14]
• 33%-ով ավելացնում է դրական զգացողության համար պատասխանատու պրոլակտին հորմոնը հենց առաջին դասից [26]
• Մասնակիցների 67-73%-ի մոտ մեկ ամսվա ընթացքում մեղմացնում է դեպրեսիան (ավելի քան տասնյակ հետազոտությունների արդյունքներով) [2, 4, 8-14]
• 71%-ի մոտ մեղմացնում է անհանգստության և տագնապի մակարդակն այն դեպքում, երբ դեղորայքային ու հոգեվերլուծական բուժումները ձախողվել են։ [1]
• 3x ավելի երկար ենք գտնվում քնի խորը և հանգստաբեր փուլում։ [21]
• Ավելացնում է հակաօքսիդանտ ֆերմենտների մակարդակը, որոնք պաշտպանում են մեզ շատ հիվանդություններից և արագ ծերացումից։ [6, 23, 27]
• Նվազեցնում է արյան ճնշումն առողջ, ինչպես նաև վատառողջ անձանց մոտ։ [25,30]
• Բարելավում է խոլեստերինի և տրիգլիցերիդի մակարդակը։ [24] [6,28]
• Նկատվում է մտքի ավելի մեծ կենտրոնացում այն մարդկանց մոտ, ովքեր պարբերաբար կիրառում են շնչառական վարժանքները (EEG բետա ալիքների էականորեն բարձր ակտիվություն) [20]

Ուշադրություն. «Երջանկություն» ծրագիրն ընդհանրապես նախատեսված է ինքնազգացողության բարելավման և ուժերի վերականգման համար։ Վերոնշյալ արդյունքները քաղված են հետազոտական աշխատանքներից, և դրանցից շատերը հիմնված են «Երջանկություն» ծրագիրը հատուկ կարիքներ ունեցող խմբերի համար ադապտացնելու վրա։ Ծրագիրը մշակված չէ կլինիկական աշխտանիշները բուժելու կամ մեղմացնելու համար։ Եթե կասկածում եք, թե ունեք կլինիկական ախտանիշներ, խորհրդակցեք բժշկի հետ՝ նախքան այս ծրագրին գրանցվելը։

Հետազոտությունները ցույց են տալիս, որ դրական փոփոխությունները ֆիզիկական և մտավոր մակարդակում նկատվում են հենց առաջին օրվանից։ Եվ արդյունքները կուտակային են. ժամանակի ընթացքում դրանք ավելի են ամրապնդվում։

Արդյունքները, կարծես, նաև տևական ազդեցություն ունեն։ Հետազոտություններից մեկում, որը մեջբերել էր Prevention Magazine-ը, մարդկանց անհանգստության կամ տագնապի մակարդակը ոչ միայն նվազել էր 44%-ով, այլև այս արդյունքը պահպանվել էր 6 ամիս։ Դեպրեսիայով և տրավմատիկ սթրեսի խանգարումներով մարդկանց շրջանում հետազոտությունը նույնպես տևական արդյունքներ է ցույց տվել։

Գործնական. Ի տարբերություն շատ ինքնազարգացման ծրագրերի սա դասախոսությունների շարք չէ։ «Երջանկություն» ծրագիրը փորձառական է և ինտերակտիվ։ Դուք կսովորեք և կկիրառեք յոգա, շնչառական վարժանքներ և մեդիտացիա, կներգրավվեք խմբային պրոցեսներում ու քննարկումներում և փորձառու մասնագետներից խորհրդատվություն կստանաք՝ վարժանքները տանը շարունակելու համար։

Առանց ճիգերի, բայց արդյունավետ. Այս ծրագիրը եզակի է այն առումով, որ տեխնիկաները ճիգեր չեն պահանջում։ Կարիք չկա անհանգստանալու յոգայի բարդ կեցվածքների, մեդիտացիայի խիստ տեխնիկաների կամ չափազանց ինտենսիվ շնչառական վարժանքների մասին։

Համընդհանուր և ժամանակով թրծված. Շատերը յոգայի ուսուցչական դասընթաց անցնելուց կամ ինքնաբացահայտման մասին գիրք գրելուց հետո իրենց կոչում են հոգևոր ուսուցիչ։ Մինչդեռ, «Ապրելու Արվեստ» հիմնադրամը վերջին 38 տարիների ընթացքում հարյուր միլիոնավոր մարդկանց կյանքեր է բարելավել 155 երկրներում: Շրի Շրի Ռավի Շանկարը՝ «Ապրելու Արվեստի» հիմնադիրը, պատվավոր դոկտորի աստիճան է ստացել 16 անգամ և տասնյակ բարձր պարգևների է արժանացել տարբեր երկրների կառավարությունների կողմից։ «Ապրելու Արվեստի» կրթական և ինքնազարգացման ծրագրերը հզոր գործքիներ են առաջարկում սթրեսը նվազեցնելու և բավականության զգացողությունը խթանելու համար։ Այս տեխնիկաններն ապացուցել են իրենց արդյունավետությունն ամբողջ աշխարհում և հասարակության բոլոր շերտերի համար։

Հետազոտությունների վրա հիմնված. Ավելի քան 70 անկախ հետազոտություններ են իրականացվել չորս մայրցամաքներում, և դրանց արդյունքները հրապարակվել են հանրահայտ ամսագրերում։ Հետազոտությունների արդյունքները ցույց են տվել «Ապրելու Արվեստ» հիմնադրամի «Երջանկություն» ծրագրի ժամանակ ուսուցանվող շնչառական վարժանքների բազմակողմանի օգուտները։ 

«Երջանկություն» ծրագիրը մշակել է Շրի Շրի Ռավի Շանկարը, ով համաշխարհային ճանաչում ունեցող հումանիտար առաջնորդ է, հոգևոր ուսուցիչ և խաղաղության դեսպան: Սթրեսից և բռնությունից զերծ հասարակության նրա տեսլականը «Ապրելու Արվեստի» առաջարկած ծրագրերի և հանրօգուտ նախագծերի միջոցով միլիոնավոր մարդկանց է միավորել աշխարհի տարբեր ծայրերում:

Որպես հոգևոր ուսուցիչ՝ Շրի Շրի Ռավի Շանկարը նորովի է մեկնաբանել յոգայի և մեդիտացիայի ավանդույթը և առաջարկել այն 21-րդ դարի համար ընդունելի ձևով: Հնագույն իմաստնությունները վերածնելուց բացի նա նաև նոր մեթոդներ է ստեղծել անհատական և սոցիալական վերափոխման (տրանսֆորմացման) համար: Դրանցից է Սուդարշան Կրիյան®, որը միլիոնավոր մարդկանց օգնել է թեթևացնել սթրեսը, բացահայտել էներգիայի ներքին պաշարներ և լռություն գտնել իրենց ներսում, առօրյա կյանքում:

Որպես ականավոր մարդասիրական գործիչ՝ Շրի Շրի Ռավի Շանկարի առաջարկած մարդասիրական ծրագրերն աջակցություն են տրամադրել ամենատարբեր բարդ իրավիճակներում հայտնված մարդկանց՝ բնական աղետներից տուժածներին, պատերազմներ և ահաբեկչական հարձակումներ վերապրածներին, հակամարտող համայնքներին, լուսանցքավորված խավերի ու խմբերի երեխաներին և այլն: Նրա ուղերձը ոգեշնչել է միլիոնավոր կամավորների՝ մարդասիրական գործունեություն ծավալելու աշխարհի ամենատարբեր ճգնաժամային կետերում:

Որպես խաղաղության դեսպան՝ Շրի Շրին կարևոր աշխատանք է տանում՝ տարբեր հանրային ֆորումների և հավաքների ժամանակ ներկայացնելով ոչ-բռնության իր տեսլականը: Որպես չեզոք անձ, ում միակ օրակարգը խաղաղությունն է, նա էական դերակատարություն է ունեցել Կոլումբիայում, Իրաքում, Փղոսկրի Ափում, Կաշմիրում և Բիհարում հակամարտող կողմերին բանակցությունների սեղանի շուրջ բերելու հարցում: Իր նախաձեռնությունների և ելույթների միջոցով Շրի Շրին շեշտում է համամարդկային արժեքներով առաջնորդվելու կարևորությունը, քանզի բոլորս պատկանում ենք նույն համամարդկային ընտանիքին: Մեր մոլորակի վրա տևական խաղաղության հասնելու համար նա ջանում է ամրապնդել ներդաշնակությունը կրոնների միջև և կոչ է անում բազմամշակութային կրթության՝ որպես մոլեռանդությունը (ֆանատիզմը) հաղթահարելու դեղամիջոց: 

Ծրագրին մասնակցելու համար պետք է առնվազն 18 տարեկան լինել: Ծրագրեր են առաջարկվում նաև միջին և ավագ դպրոցահասակ պատանիների համար:

Վարժանքներից որոշները խորհուրդ չեն տրվում հղի կանանց։ Փոխարենը, հղիներին առաջարկվում է ճիգեր չպահանջող Սահաջ Սամադհի մեդիտացիայի ծրագիրը:

Նրանք, ովքեր ծրագրից մինչև 8 շաբաթ առաջ վիրահատություն են տարել, ինչպես նաև նրանք, ովքեր ունեն էպիլեպսիա, բիպոլյար խանգարում, շիզոֆրենիա կամ շիզոաֆեկտիվ խանգարում, պետք է խորհրդակցեն բժշկի հետ և ներկայացնեն բժշկի կողմից ստորագրված թույլտվությունը՝ «Երջանկություն» ծրագրին գրանցվելու համար։ Այս անձանց համար հրաշալի այլընտրանք է Սահաջ Սամադհի մեդիտացիայի ծրագիրը:

Շատ մարդիկ հաճույքով կրկնում են «Երջանկություն» ծրագիրը և ամեն անգամ ինչ-որ նոր բան են բացահայտում։