એડવાન્સ મેડીટેશન પ્રોગ્રામ

જે રીતે તમારી કાર છ મહિને અથવા 12 મહિને સર્વિસિંગ માગે છે તે જ રીતે તમારું શરીર અને મન નવચૈતન્યની પ્રક્રિયાઓ અને વિશ્રામ માગે છે. તમે હેપીનેસ પ્રોગ્રામ અથવા ઓનલાઈન મેડીટેશન એન્ડ બ્રેથ વર્કશોપમાં જે શક્તિ અને આનંદનો અનુભવ કર્યો તેમાં એડવાન્સ મેડીટેશન પ્રોગ્રામ વધારો કરે છે અને તેને સાતત્ય પૂર્ણ બનાવે છે. તમે ધ્યાનની ગહનતામાં જઈને ગાઢ વિશ્રામનો આનંદ લઈ શકશો. તમે કંઈ યોગી નહીં બની જાઓ. હકીકતમાં અનેક લોકો ગહન વિશ્રામનો અનુભવ કરવા માટે વારંવાર આ પ્રોગ્રામમાં ભાગ લે છે અને દરેક વખતે કંઈક નવું તેમની અંદર પામે છે અને તેઓ તેનો લાભ લે છે.

તમારી અંદર સ્ટ્રેસ નથી એ બહુ સારી વાત છે પણ સમય અને ઉંમરની સાથે તમારી જવાબદારીઓ વધવાની છે અને તમારે વધારે કામ પણ કરવું પડશે. અને તેના કારણે તમારી અંદર સ્ટ્રેસ આવે તેની રાહ જોવાની જરૂર નથી અને તેમ કરવું યોગ્ય પણ નહી ગણાય. જ્યારે વર્ષના અંતે તમારી પરીક્ષાઓ થવાની હોય છે પણ અભ્યાસની શરૂઆત કરવા માટે તમે વર્ષ પૂરું થાય તેની રાહ નથી જોતા.બરાબર ને? તે જ રીતે પોતાની પાસે રહેલી પૂરી રકમ ખર્ચાઈ જાય ત્યાર પછી નવી કમાણી કરશું તેમ પણ તમે નથી કરતા. તમે અગાઉથી જ બધી તૈયારીઓ કરો છો. એ જ રીતે તમારી અંદર રહેલી સુષુપ્ત શક્તિમાં સુધારો થાય તેવી અને આપની અંદર નિર્માણ થઈ રહેલા સ્ટ્રેસને તે નિર્માણ થાય તે પહેલાં જ સંભાળી લેવાની ટેક્નિક્સ શીખી લેવી એ લાભકારક છે ને?

આ પ્રોગ્રામ દ્વારા તમે શ્વાસની એવી પ્રક્રિયાઓ શીખવાના છો કે જે દ્વારા તમે તમારી અંદરના  શક્તિના સ્તરને ઘણું ઊંચું લઈ જઈ શકશો. તમે અર્થ સભર અને જ્ઞાનયુક્ત મૌન દ્વારા ગહનતમ વિશ્રામનો અનુભવ કરશો. પ્રોગ્રામની પ્રક્રિયાઓ બહુ જ સરળ અને સહજ છે અને તે તમને વધુ શક્તિશાળી અને સ્થિતિ સ્થાપક બનાવશે. કોઈ પણ વ્યક્તિ એટલી મોટી ક્યારેય નથી થઈ જતી કે જે આ કોર્સ ના કરી શકે.

આ પ્રોગ્રામનો આપને મહત્તમ લાભ મળે એટલા માટે અમે એવું સૂચવીશું કે આપ મેસેજ લખવા, મેલ કરવા અથવા બીજા કોઈ પણ પ્રકારની શાબ્દિક પ્રતિક્રિયાઓ આપવાની પ્રવૃત્તિઓથી જેટલા દૂર રહો તેટલું સારું. તે દ્વારા અમારો એટલો જ ઉદ્દેશ છે કે આપ વધુમાં વધુ સમય પોતાના સ્વની અંદર ડુબકી મારીને સ્વને શોધી શકો. કદાચ સાંભળવામાં આ થોડું અઘરું લાગતું હશે પરંતુ વાસ્તવમાં એ ઘણું સહેલું છે.

ના એડવાન્સ મેડીટેશન પ્રોગ્રામ વિપસ્યના ધ્યાન જેવું નથી. કોઈપણ વ્યક્તિ કરી  શકે તેટલો ઊંડો અનુભવ આ પ્રોગ્રામ કરાવે છે અને તે દ્વારા અંતર્દૃષ્ટિ ખુલવાથી જે ઊંડાણનો અનુભવ થાય છે તેની ક્ષમતા તો જીવન પરિવર્તન કરી નાખવા જેટલી છે. ઓલ ઇન્ડિયા ઇન્સ્ટિટયૂટ ઑફ મેડિકલ સાયન્સ (AIIMS) જેવી અનેક પ્રસિદ્ધ સંસ્થાઓએ કરેલા સંશોધન દ્વારા એ જણાઈ આવ્યું છે કે આ પ્રક્રિયાઓ દ્વારા મનની સર્જનાત્મકતામાં ઘણો વધારો થાય છે, રોગપ્રતિકારક  શક્તિ વધે છે અને જીવનની ગુણવત્તામાં પણ સુધારો થાય છે.

આ પ્રોગ્રામ પુરા ત્રણ દિવસનો છે. સવારે 6 અથવા 7 વાગે શરૂ થાય છે અને રાત્રે 8 અથવા 9:00 વાગે પૂરો થાય છે. તેથી આટલા દિવસો માટે પૂરી રીતે મોકળા રહેવાની તૈયારી રાખો અને પોતાની જાતને જ એક સુંદર વેકેશન ભેટમાં આપો.

આ સમગ્ર  પ્રોગ્રામ જ તમારા રોજિંદા જીવનની ઘરેડમાંથી તમને વિરામ  આપવા માટે બનાવવામાં આવ્યો છે!  જોકે પ્રોગ્રામના દિવસો દરમ્યાન આપને બાયો બ્રેક્સ, નાસ્તો, જમવું તે માટે થોડો વિરામ આપવામાં આવશે જ.

ના. આ પ્રોગ્રામમાં કોઈ વ્યક્તિગત મંત્ર આપવામાં આવતો નથી, પણ માર્ગદર્શિત ધ્યાનોની શૃંખલાથી આ કોર્સ બનેલો છે.જોકે તમને મંત્રની મદદ થી ધ્યાન કરવામાં રસ હોય તો તમે તમારું નામ અમારા સહજ સમાધિ ધ્યાન યોગના પ્રોગ્રામ માટે નોંધાવી શકો છો.

જો તમે ઓનલાઈન મેડીટેશન એન્ડ બ્રેથ વર્કશોપ અથવા હેપીનેસ પ્રોગ્રામ પૂરો કરેલો છે તો આ પ્રોગ્રામ કરવામાં પણ તમને કોઈ અડચણ ન આવવી જોઈએ. જો કે તમને એવી કોઈ બીમારી/ હાલત  હોય તો તે વિશે તમારા પ્રશિક્ષકને અગાઉથી જણાવો.

ના સહેજ પણ નહીં . તમારા આહારની આદત આ કોર્સમાં મહત્વપૂર્ણ નહી હોય. જોકે અમે આપને જરૂર સૂચવીશું કે આપ આ કોર્સ દરમ્યાન હળવો શાકાહારી આહાર લો. તે તમને ગહન ધ્યાનમાં લઈ જવામાં મદદ કરશે.

આ એક બહુ જ શક્તિશાળી પદ્ધતિ છે જે તમે એડવાન્સ મેડીટેશન પ્રોગ્રામ (AMP) પૂરો કર્યા બાદ શીખી શકશો. તે તમારી સાધનાના રોજિંદા મહાવરાને નિખારશે અને તે પણ વિનામૂલ્ય. તે માટે આ પ્રોગ્રામ પૂરો કર્યા બાદ તમે તમારા શિક્ષક સાથે સંપર્કમાં રહેજો.