હોનારત માં રાહત

કાર્ય પધ્ધતિ

જ્યારે પણ હોનારત થાય છે અમે તરત જ વસ્તુ સ્વરૂપની મદદ પહોંચાડવાનું અને સાર સંભાળ લેવાનું શરૂ કરી દઈએ છીએ. આ સેવાઓમાં ભોજન ,વસ્ત્રો, દવાઓ અને આશ્રયનો સમાવેશ થાય છે તેમજ શારીરિક તેમજ માનસિક સ્વાસ્થ્યના તજજ્ઞો આવી જગ્યાએ પહોંચીને તરત જ રાહત પહોંચાડવાનું શરૂ કરી દે છે.

જે લોકો હોનારતમાંથી ઉગરી ગયા હોય છે પરંતુ જેમણે ભયાનક શારીરિક તેમજ માનસિક આઘાત અનુભવ્યા હોય છે તેમને ફક્ત વસ્તુ સ્વરૂપની મદદ પૂરતી હોતી નથી. તેમને આઘાત માંથી બહાર કાઢીને ફરીથી જીવન પ્રત્યે આશાવાદી બનાવવાની ખૂબ જ જરૂર હોય છે. આઘાત માંથી બહાર કાઢવાના અમારા પ્રોગ્રામમાં અમે તે લોકોને તેમની ભાવનાઓથી ઉપર ઉઠીને માનસિક તાણમાંથી બહાર આવવા માટે વિવિધ પ્રકારની શ્વાસની પ્રક્રિયાઓ શીખવીએ છીએ. અને તે દ્વારા તેમનું ધ્યાન અમે ભૂતકાળમાંથી દૂર કરીને ભવિષ્યની શક્યતાઓ તરફ દોરીએ છીએ.

ખરેખર રાહત ત્યારે જ પહોંચાડી કહેવાય જ્યારે હોનારતમાંથી ઉગરી ગયેલા લોકોનું પૂર્ણ રીતે શારીરિક તેમજ માનસિક પુનર્વસન થાય. અસરગ્રસ્ત લોકોની સમસ્યાઓનો કાયમી ઉકેલ લાવવા માટે અમારા કાર્યકર્તાઓ ગામડાઓમાં સ્થાનિક લોકો સાથે હળીમળીને કામ કરે છે. તેઓ ઘરો બનાવે છે, સ્વચ્છતાની વ્યવસ્થાઓ કરે છે, રસ્તાઓ, શાળાઓ બનાવે છે,વ્યવસાયિક માર્ગદર્શન કેન્દ્રો અને બીજી માળખાકીય સુવિધાઓ પણ તૈયાર કરે છે.