સહજ સમાધિ ધ્યાન યોગ

જરા પણ નહીં.તમે ક્યારેય પહેલા ધ્યાન ના કર્યું હોય તો પણ તમે આ પદ્ધતિ શીખી શકો છો અને તેના ફાયદા મેળવી શકો છો.

માર્ગદર્શિત ધ્યાન તમને બોલાતી સુચનાઓ અને સંગીત દ્વારા ધ્યાન કરવામાં મદદ કરે છે. તેઓ તમને શાંત અને શાંતિપૂર્ણ વાતાવરણ પ્રદાન કરીને આરામ કરવામાં મદદ કરે છે.જયારે સહજ સમાધિ ધ્યાનયોગ એક મંત્ર આધારિત પધ્ધતિ છે.મંત્ર એક ઊર્જામય સૂક્ષ્મ ધ્વની છે જે તમને ચેતનાની ગહન અવસ્થાઓમાં લઇ જાય છે.માર્ગદર્શિત ધ્યાનમાં માર્ગદર્શન જરૂરી છે,પરંતુ જો તમે સહજ સમાધિ શીખી લો છો તો તમે એ પદ્ધતિ દ્વારા પોતાની જાતે ધ્યાન કરી શકો છો.તમારે માત્ર ૨૦ મિનિટનો સમય અને એક શાંત જગ્યા કે જ્યાં તમે આરામદાયક રીતે બેસી શકો એ જરૂરી છે.નિયમિત રીતે કરવાથી તમને વધારે શાંતિમય લાગશે અને તમે પોતાના શારીરિક સ્વાસ્થ્ય તથા કુશાગ્ર બુદ્ધિમાં વૃદ્ધિ તથા સજગતામાં વધારો અને અંતર્જ્ઞાનની કુશળતામાં તીવ્રતા જોઈ શકશો.

તમે ધ્યાન કરવાનું શરુ કરો ત્યારે ઊંઘ આવી જાય તેનો કોઈ વાંધો નહીં. તે દર્શાવે છે કે તમને વધારે આરામની જરૂર છે. પણ ધ્યાન કરવાનું બંધ ના કરશો! તમે ધ્યાન કરતા જશો તેમ તમને જણાશે કે ૨૦ મીનીટનું સહજ સમાધિ ધ્યાનયોગ કલાકોની ઊંઘની જેમ તમને તરોતાજા કરે છે!

પ્રમાણમાં ખાલી પેટે ધ્યાન કરવું વધુ સારું છે. જમ્યા પહેલા અથવા જમ્યાના દોઢ કલાક પછી સહજ સમાધી ધ્યાન યોગ કરવું એ યોગ્ય સમય છે. ઉપરાંત, તમે ૨૦ મીનીટ સુધી આરામથી બેસી શકો તેવી જગ્યાની જરૂર હોય છે.