મફત શાળાઓ: ભારતના ખૂણે ખૂણે સુધી શિક્ષણનો ફેલાવો

વ્યૂહરચના

અમારી પાસે અમારા શિક્ષણ પ્રોજેક્ટ્સ માટે સારી રીતે વ્યાખ્યાયિત વ્યૂહરચના છે જે સમય સાથે વિકસિત અને શુદ્ધ કરવામાં આવી છે. આ વ્યૂહરચના ત્રણ સ્તંભો પર બાંધવામાં આવી છે:

સમુદાય સાથે સંલગ્ન થવું:  બાળકો શાળામાં રહે તેની ખાતરી કરવા માટે આર્ટ ઓફ લિવિંગ સક્રિયપણે સમુદાયના પ્રભાવકો સુધી પહોંચે છે. બાળકોને ભણાવતા પહેલા જ અમે તેમના માતા-પિતા અને પરિવારના અન્ય સભ્યોને શિક્ષણના મહત્વ વિશે શિક્ષિત કરીએ છીએ. શાળાના શિક્ષકોને સમુદાયમાંથી જ પસંદ કરવામાં આવે છે અને સમુદાય સાથેનું બંધન મજબૂત છે તેની ખાતરી કરવા માટે તેમને યોગ્ય રીતે તાલીમ આપવામાં આવે છે. આના પરિણામે ડ્રોપઆઉટ દર ઓછો થાય છે.

મફત શિક્ષણ પૂરું પાડવું: અમારી શાળાઓમાં મોટાભાગના વિદ્યાર્થીઓ પ્રથમ પેઢીના વિદ્યાર્થીઓ છે જે અત્યંત ગરીબીની પૃષ્ઠભૂમિમાંથી આવે છે. આર્ટ ઓફ લિવિંગ બાળકોને શાળાથી દૂર રાખતા સામાજિ, આર્થિક અને સાંસ્કૃતિક અવરોધોને સંબોધિત કરતી વખતે નબળા વર્ગના બાળકોને મફત અને મૂલ્ય આધારિત શિક્ષણ પૂરું પાડે છે.

મૂલ્ય આધારિત શિક્ષણ: આર્ટ ઓફ લિવિંગ શાળાઓ બાળકનું સર્વગ્રાહી પાલનપોષણ કરે છે. અમારી શિક્ષણ વ્યૂહરચનાનું મુખ્ય ધ્યાન ઔપચારિક શિક્ષણને જીવન કૌશલ્યો સાથે જોડવાનું છે જેમાં બાળકનો આત્મવિશ્વાસ, નેતૃત્વ અને આંતરવ્યક્તિત્વ કૌશલ્યોનું નિર્માણ અને ધ્યાન તકનીકો દ્વારા આધ્યાત્મિક સાધનો વિકસાવવા અને માનવ મૂલ્યોના પાયાનો સમાવેશ થાય છે. પરિણામે, કૌટુંબિક મૂલ્યો મજબુત થાય છે, અને પ્રગતિશીલ વલણ સામાજિક અને સાંસ્કૃતિક અવરોધોને ઘટાડે છે.