ಉತ್ಕರ್ಷ ಯೋಗ

ಪ್ರಾಚೀನವಾದ ಯೋಗದ ತಂತ್ರಗಳು ಮತ್ತು ವ್ಯಾಯಾಮಗಳ ಆಧಾರದ ಮೇಲೆ ಉತ್ಕರ್ಷ ಯೋಗ ಕಾರ್ಯಾಗಾರವನ್ನು ಗುರುದೇವ ಶ್ರೀ ಶ್ರೀ ರವಿ ಶಂಕರರು ರೂಪಿಸಿದ್ದಾರೆ. ಧ್ಯಾನ, ಯೋಗ ಮತ್ತು ಉಸಿರಾಟದ ತಂತ್ರಗಳ ಜೊತೆಗೆ ಮಕ್ಕಳಿಗೆ ಭಯ ಮತ್ತು ಆತಂಕಗಳನ್ನು ಹಿಂದಿಕ್ಕಿ ತಮ್ಮ ಜೀವನವನ್ನು ಪರಿಪೂರ್ಣವಾಗಿ ಸಾಗಿಸುವ ಕೌಶಲ್ಯವನ್ನು ಕಲಿಸಲಾಗುತ್ತದೆ. ಮಕ್ಕಳಿಗೆ ಆಧ್ಯಾತ್ಮ ಮತ್ತು ಭಾರತೀಯ ಪರಂಪರೆಯ ಪರಿಚಯವನ್ನೂ ಮಾಡಿಕೊಡಲಾಗುತ್ತದೆ.

ಹೌದು, ಖಂಡಿತವಾಗಿ! ಸುದರ್ಶನಕ್ರಿಯೆಯ ನಿತ್ಯಾಭ್ಯಾಸದಿಂದ ನಿದ್ರೆ ಉತ್ತಮವಾಗುತ್ತದೆ, ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ, ಒತ್ತಡ ಮತ್ತು ಖಿನ್ನತೆಗಳು ಕಡಿಮೆಯಾಗುತ್ತವೆ. ಈ ಬಗ್ಗೆ ತಿಳಿದುಕೊಳ್ಳಲು ನೀವು ಈ ಕಾರ್ಯಾಗಾರದಿಂದ ಲಾಭ ಪಡೆದವರ ಪ್ರಾಮಾಣಿಕ ಹೇಳಿಕೆಗಳನ್ನೇ ಓದಿ. ನಿಮಗೇನಾದರೂ ಆರೋಗ್ಯದ ಸಮಸ್ಯೆಗಳಿದ್ದರೆ ಅವನ್ನು ಮುಂಚಿತವಾಗಿಯೇ ನಿಮ್ಮ ಶಿಕ್ಷಕರಿಗೆ ತಿಳಿಸಿ. ಶಿಕ್ಷಕರು ಅವುಗಳನ್ನು ಗಣನೆಗೆ ತಂದುಕೊಂಡು ನಿಮಗೆ ಸೂಕ್ತವಾದ ರೀತಿಯಲ್ಲಿ ಕಾರ್ಯಕ್ರಮ ರೂಪಿಸುತ್ತಾರೆ.

ಉಚಿತವಾಗಿ ದೊರೆಯುವ ಯಾವುದೇ ವಿಷಯಗಳಲ್ಲಿ ಶ್ರದ್ಧೆಯಿರುವುದಿಲ್ಲ, ಶುಲ್ಕವನ್ನು ಪಾವತಿಸಿದರೆ ನೀವು ಈ ಕಾರ್ಯಾಗಾರಕ್ಕಾಗಿ ಸಮಯವನ್ನು ಮೀಸಲಿಡುತ್ತೀರಿ ಎಂಬುದು ಒಂದು ಕಾರಣ. ಆದರೆ, ನಿಮಗೆ ಅತ್ಯಗತ್ಯವಾದ ಜೀವನಕೌಶಲ್ಯಗಳನ್ನು ಕಲಿಸುವುದರ ಜೊತೆಗೆ ನೀವು ಪಾವತಿಸುವ ಶುಲ್ಕದ ಬಹುಪಾಲು ಭಾರತದಾದ್ಯಂತ ನಡೆಯುತ್ತಿರುವ ಅನೇಕ ಸೇವಾ ಯೋಜನೆಗಳಿಗೆ ಬಳಕೆಯಾಗುತ್ತದೆ ಎಂಬುದು ಎರಡನೇ, ಪ್ರಮುಖ ಕಾರಣ. ಉದಾಹರಣೆಗೆ: ಬುಡಕಟ್ಟು ಜನಾಂಗದ 70,000 ಮಕ್ಕಳಿಗೆ ಉಚಿತ ಶಿಕ್ಷಣ, ದೇಶಾದ್ಯಂತ 43 ನದಿಗಳ ಪುನಶ್ಚೇತನ, 2,04,802 ಗ್ರಾಮೀಣ ಯುವಕರಿಗೆ ಜೀವನಕೌಶಲ್ಯಗಳನ್ನು ಕಲಿಸುವ ಯುವಸಬಲೀಕರಣ, 720 ಗ್ರಾಮಗಳಿಗೆ ಸೌರ ದೀಪಗಳ ವ್ಯವಸ್ಥೆ, ಇತ್ಯಾದಿ.

ನಿಮಗೆ ಒತ್ತಡವಿಲ್ಲದಿದ್ದರೆ ಅದು ಬಹಳ ಸಂತಸದ ಸುದ್ದಿ! ನೀವು ಉತ್ತಮವಾದ ಜೀವನವನ್ನೇ ನಡೆಸುತ್ತಿರುವಿರಿ. ಆದರೆ ಹಣವೆಲ್ಲಾ ಖರ್ಚಾದ ನಂತರ ಹಣವನ್ನು ಕೂಡಿಡಬೇಕೆಂದು ನಿರ್ಧರಿಸುವಿರಾ? ಅಥವಾ ಅನಾರೋಗ್ಯದಿಂದ ಪೀಡಿತರಾದ ನಂತರವೇ ವ್ಯಾಯಾಮ ಮಾಡಬೇಕೆಂದು ನಿರ್ಧರಿಸುತ್ತೀರಾ? ಇಲ್ಲ, ಅಲ್ಲವೆ? ಅದೇ ರೀತಿ, ಭವಿಷ್ಯದಲ್ಲಿ ನಿಮಗೆ ಬೇಕಾಗುವ ಮನಸ್ಸಿನ ಹಿಡಿತ, ಸಹಿಷ್ಣುತೆ ಮುಂತಾದ ಆಂತರಿಕ ಶಕ್ತಿಗಳನ್ನು ಈಗಿಂದಲೇ ಬೆಳೆಸಿಕೊಳ್ಳಬಹುದಲ್ಲವೆ? ಅದೇನೇ ಇರಲಿ, ನಿಮ್ಮ ಬಗ್ಗೆ ನಿರ್ಧಾರ ತೆಗೆದುಕೊಳ್ಳಲು ನೀವು ಸ್ವತಂತ್ರರು. ಮುಂದೊಮ್ಮೆ ನೀವು ಒತ್ತಡಗಳಿಂದ ಪೀಡಿತರಾದಾಗ ಅವುಗಳಿಂದ ಪಾರಾಗಲು ಈ ಕಾರ್ಯಾಗಾರದಲ್ಲಿ ಭಾಗಿಯಾಗಬಹುದು.