ವಿಪತ್ತು-ಪರಿಹಾರ

ಕಾರ್ಯತಂತ್ರ

ಎಲ್ಲಿಯಾದರೂ ವಿಪತ್ತುಗಳು ಸಂಭವಿಸಿದಾಗ, ಆ ಕ್ಷಣದಿಂದಲೇ , ಅವರೆಲ್ಲರಿಗೆ ವಸ್ತುಗಳನ್ನು ನೀಡಿ ನೆರವು ಮಾಡುವುದರ ಮೂಲಕ ಮತ್ತು ಆರೈಕೆಯನ್ನು ಒದಗಿಸುವ ಮೂಲಕ ನಮ್ಮ ಕೆಲಸವು ಪ್ರಾರಂಭವಾಗುತ್ತದೆ. ಈ ತುರ್ತು ಸೇವೆಗಳು , ಅವರೆಲ್ಲರಿಗೆ ಆಹಾರ, ಬಟ್ಟೆ, ಔಷಧಿ ಮತ್ತು ಆಶ್ರಯ, ಮುಂತಾದವುಗಳನ್ನು ಒದಗಿಸುತ್ತವೆ. ವೈದ್ಯರು, ಸಲಹೆಗಾರರು ಮತ್ತು ಇತರ ದೈಹಿಕ ಮತ್ತು ಮಾನಸಿಕ ಆರೋಗ್ಯ ತಜ್ಞರು ಈ ತಕ್ಷಣದ ಪರಿಹಾರ ಮಾರ್ಗಗಳ ಮುಖ್ಯ ಭಾಗವಾಗಿರುತ್ತಾರೆ.

ವಿಪತ್ತು ಸಂತ್ರಸ್ತರಿಗೆ, ತೀವ್ರವಾದ ದೈಹಿಕ ಮತ್ತು ಭಾವನಾತ್ಮಕ ಆಘಾತವನ್ನು ಅನುಭವಿಸಿದವರಿಗೆ, ಕೇವಲ ಭೌತಿಕ ಸಹಾಯವು ಸಾಕಾಗುವುದಿಲ್ಲ. ಆಘಾತವನ್ನು ನಿವಾರಿಸುವುದು ಮತ್ತು ಜನರು ತಮ್ಮ ಜೀವನವನ್ನು ಪುನಃ ನಿರ್ಮಿಸಿಕೊಳ್ಳಲು ಅವರಿಗೆ ಸಹಾಯ ಮಾಡುವುದು ಅತ್ಯಗತ್ಯವಾಗಿದೆ. ನಾವು ನಮ್ಮ ಆಘಾತ ಪರಿಹಾರ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವವರಿಗೆ, ಅವರು ತಮ್ಮ ಭಾವನೆಗಳನ್ನು ಮತ್ತು ಒತ್ತಡಗಳನ್ನು ವಿವಿಧ ಉಸಿರಾಟದ ತಂತ್ರಗಳ ಮೂಲಕ ಹೇಗೆ ಸರಿಪಡಿಸಿಕೊಳ್ಳಬೇಕು ಮತ್ತು ಕಳೆದುಹೋದ ಘಟನೆಗಳಿಂದ ಭವಿಷ್ಯದ ಸಾಧ್ಯತೆಗಳ ಕಡೆಗೆ ಅವರ ಗಮನವನ್ನು ಹೇಗೆ ಬದಲಾಯಿಸಬಹುದು, ಎನ್ನುವುದನ್ನು ಕಲಿಸಿ ಕೊಡುತ್ತೇವೆ.

ವಿಪತ್ತುಗಳಿಗೆ ಒಳಗಾದ ಸಂತ್ರಸ್ತರು ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ಸಂಪೂರ್ಣವಾಗಿ ಪುನರ್ವಸತಿಯನ್ನು ಪಡೆದು ಕೊಂಡಾಗ ಮಾತ್ರ ಅವರಿಗೆ ನಿಜವಾದ ಪರಿಹಾರವು ದೊರಕಿದಂತಾಗುವುದು. ಸಮರ್ಥನೀಯ ಪರಿಹಾರಗಳನ್ನು ಅಭಿವೃದ್ಧಿಪಡಿಸುವಲ್ಲಿ ಸಮುದಾಯಗಳನ್ನು ಬೆಂಬಲಿಸಲು, ನಮ್ಮ ಜಾಗತಿಕ ಸ್ವಯಂಸೇವಕರು ಹಳ್ಳಿಗಳಲ್ಲಿ ಮತ್ತು ಸ್ಥಳೀಯ ಸಮುದಾಯಗಳೊಂದಿಗೆ ಕೈಜೋಡಿಸಿ ಕೆಲಸ ಮಾಡುತ್ತಾರೆ, ಮನೆಗಳು, ನೈರ್ಮಲ್ಯದ ವ್ಯವಸ್ಥೆಗಳು, ರಸ್ತೆಗಳು, ಶಾಲೆಗಳು, ವೃತ್ತಿಪರ ತರಬೇತಿ ಕೇಂದ್ರಗಳು ಮತ್ತು ಇತರ ಅತ್ಯಗತ್ಯವಾದ ಮೂಲಸೌಕರ್ಯಗಳನ್ನು ನಿರ್ಮಿಸಿ ಕೊಡುತ್ತಾರೆ.