ಹೌದು, ಖಂಡಿತವಾಗಿಯೂ! ಸುದರ್ಶನ ಕ್ರಿಯೆಯ ನಿತ್ಯಾಭ್ಯಾಸದಿಂದ ಗುಣಮಟ್ಟದ ನಿದ್ರೆ ಸಾಧ್ಯವಾಗುತ್ತದೆ, ರೋಗನಿರೋಧಕಶಕ್ತಿ ವರ್ಧಿಸುತ್ತದೆ, ಒತ್ತಡದ ಮತ್ತು ಖಿನ್ನತೆಯ ಮಟ್ಟ ಕಡಿಮೆಯಾಗುತ್ತದೆ. ಈ ಕುರಿತು ಈ ಕಾರ್ಯಾಗಾರದಿಂದ ಪ್ರಯೋಜನ ಪಡೆದಿರುವ ಜನರ ಪ್ರಮಾಣೀಕೃತ ಅನುಭವಗಳನ್ನು ನೀವು ಗಮನಿಸಬಹುದು. ಕಾರ್ಯಾಗಾರದ ಪ್ರಾರಂಭದಲ್ಲಿಯೇ ನಿಮ್ಮ ಆರೋಗ್ಯದ ಸಮಸ್ಯೆಗಳನ್ನು ನಿಮ್ಮ ಶಿಕ್ಷಕರಿಗೆ ತಿಳಿಸಿ. ಇದರಿಂದ ನಿಮಗೆ ಸೂಕ್ತವಾದ, ಉತ್ತಮವಾದ ಮಾರ್ಗದರ್ಶನವನ್ನು ನೀಡಲು ಶಿಕ್ಷಕರಿಗೆ ಅನುಕೂಲವಾಗುತ್ತದೆ.

ಜೀವನವು ಬದಲಾಗಲು ಒಂದು ಕ್ಷಣ ಸಾಕು. ಪ್ರೀತಿ ಪಾತ್ರರೊಡನೆ ಕಳೆದ ಒಂದೇ ಒಂದು ಕ್ಷಣ ಅಥವಾ ವಾಹನವನ್ನು ನಡೆಸುತ್ತಿರುವಾಗ ಎಚ್ಚರವನ್ನು ಕಳೆದುಕೊಂಡ ಒಂದೇ ಒಂದು ಕ್ಷಣ ನಿಮ್ಮ ಬದುಕನ್ನು ಬದಲಾಯಿಸಬಹುದು. ಜ್ಞಾನೋದಯದ ಒಂದು ಕ್ಷಣವು ನಿಮ್ಮ ಬದುಕಿನಲ್ಲಿ ಮಾತ್ರವಲ್ಲ, ಇಡೀ ಜಗತ್ತಿನಲ್ಲಿ ಪರಿವರ್ತನೆ ತರಬಲ್ಲುದು. ಎಲ್ಲಕ್ಕಿಂತ ಹೆಚ್ಚಾಗಿ ನಿಮ್ಮ ಬದುಕನ್ನು ನೀವೇ ಪರಿವರ್ತಿಸಿಕೊಳ್ಳುವ ಪರಿಕರಗಳನ್ನು ನೀವು ಈ ಕಾರ್ಯಾಗಾರದಲ್ಲಿ ಪಡೆಯುತ್ತೀರಿ. ಈ ನಾಲ್ಕು ದಿನಗಳಲ್ಲಿ ನೀವು ವ್ಯಾಪಕವಾದ ಸಂಶೋಧನೆಗೊಳಪಟ್ಟಿರುವ ಜಗತ್ತಿನಾದ್ಯಂತ ಕೋಟಿಗಟ್ಟಲೆ ಜನರು ಅಭ್ಯಾಸ ಮಾಡುತ್ತಿರುವ ಸುದರ್ಶನ ಕ್ರಿಯೆಯನ್ನು ಕಲಿಯುತ್ತೀರಿ. ಇದನ್ನು ರೂಢಿ ಮಾಡಿಕೊಂಡಿರುವ ಅನೇಕರು ತಮ್ಮ ಜೀವನವನ್ನೇ ಪರಿವರ್ತಿಸಿದಂಥ ಅನುಭವಗಳನ್ನು ದಾಖಲಿಸಿದ್ದಾರೆ. ಇದರೊಡನೆ ಜೀವನ ಪರ್ಯಂತ ನೀವು ಫಾಲೋ-ಅಪ್ ಕ್ಲಾಸ್ ಗಳಿಗೆ ಬರಬಹುದು. ಜೊತೆಗೆ, ಜಗತ್ತಿನ ಎಲ್ಲೆಡೆಯೂ ಇರುವ ಮಾರ್ಗದರ್ಶಕರ ಸಹಾಯವನ್ನೂ ನೀವು ಪಡೆಯಬಹುದು. ಇದರ ನಂತರ ಆರ್ಟ್ ಆಫ್ ಲಿವಿಂಗ್ ಸಂಸ್ಥೆಯ ಉನ್ನತ ಧ್ಯಾನ ಶಿಬಿರಗಳಿಗೆ ನೀವು ನಿಮ್ಮನ್ನು ನೊಂದಾಯಿಸಿಕೊಳ್ಳಬಹುದು. ನಿಮ್ಮ ಪಯಣವು ಇದೀಗ ಆರಂಭವಾಗುತ್ತಿದೆ.

ಎಂದಿಗೂ ಮಾಸದ ಮುಗುಳ್ನಗೆ ಅಥವಾ ಅಂತರಂಗದ ಪ್ರಸನ್ನತೆ ಮಾತ್ರ ಇದರ ಅಡ್ಡ ಪರಿಣಾಮ! ಸುದರ್ಶನ ಕ್ರಿಯೆಯನ್ನು ಜಾಗತಿಕವಾಗಿ, ಪ್ರತಿನಿತ್ಯ ಕೋಟ್ಯಂತರ ಜನರು ಅಭ್ಯಾಸ ಮಾಡುತ್ತಿದ್ದಾರೆ ಮತ್ತು ಅದರಿಂದ ಉತ್ತಮ ಆರೋಗ್ಯವನ್ನು ಪಡೆದುಕೊಂಡ ಅನೇಕ ನಿದರ್ಶನಗಳಿವೆ.

ನಮ್ಮ ತಂತ್ರಗಳನ್ನು ಅತ್ಯಂತ ಸುರಕ್ಷಿತವಾಗಿ ಅಭ್ಯಾಸ ಮಾಡಬಹುದು. ನಿಮಗೆ ಆಸ್ತಮಾ, ರಕ್ತದ ಏರೊತ್ತಡ, ಹೃದಯದ ಸಮಸ್ಯೆಗಳು ಮತ್ತು ಬೆನ್ನು ನೋವಿನ ಸಮಸ್ಯೆಗಳಿದ್ದಲ್ಲಿ, ಕಾರ್ಯಾಗಾರದಲ್ಲಿ ನಿಮಗೆ ಪ್ರತ್ಯೇಕವಾದ ಮಾರ್ಗದರ್ಶನವನ್ನು ನೀಡಲಾಗುತ್ತದೆ.

ನಿಮಗೆ ಒತ್ತಡವಿಲ್ಲದಿದ್ದರೆ ಅದು ಬಹಳ ಸಂತಸದ ಸುದ್ದಿ! ನೀವು ಉತ್ತಮವಾದ ಜೀವನವನ್ನೇ ನಡೆಸುತ್ತಿರುವಿರಿ. ಆದರೆ ಹಣವೆಲ್ಲಾ ಖರ್ಚಾದ ನಂತರ ಹಣವನ್ನು ಕೂಡಿಡಬೇಕೆಂದು ನಿರ್ಧರಿಸುವಿರಾ? ಅಥವಾ ಅನಾರೋಗ್ಯದಿಂದ ಪೀಡಿತರಾದ ನಂತರವೇ ವ್ಯಾಯಾಮ ಮಾಡಬೇಕೆಂದು ನಿರ್ಧರಿಸುತ್ತೀರಾ? ಇಲ್ಲ, ಅಲ್ಲವೆ? ಅದೇ ರೀತಿ, ಭವಿಷ್ಯದಲ್ಲಿ ನಿಮಗೆ ಬೇಕಾಗುವ ಮನಸ್ಸಿನ ಹಿಡಿತ, ಸಹಿಷ್ಣುತೆ ಮುಂತಾದ ಆಂತರಿಕ ಶಕ್ತಿಗಳನ್ನು ಈಗಿಂದಲೇ ಬೆಳೆಸಿಕೊಳ್ಳಬಹುದಲ್ಲವೆ? ಅದೇನೇ ಇರಲಿ, ನಿಮ್ಮ ಬಗ್ಗೆ ನಿರ್ಧಾರ ತೆಗೆದುಕೊಳ್ಳಲು ನೀವು ಸ್ವತಂತ್ರರು. ಮುಂದೊಮ್ಮೆ ನೀವು ಒತ್ತಡಗಳಿಂದ ಪೀಡಿತರಾದಾಗ ಅವುಗಳಿಂದ ಪಾರಾಗಲು ಈ ಕಾರ್ಯಾಗಾರದಲ್ಲಿ ಭಾಗಿಯಾಗಬಹುದು.

ಈ ಶಿಬಿರದ ಮೂಲಕ ನೀವು ಜೀವನಕ್ಕೆ ಅಗತ್ಯವಾದ ಕೌಶಲ್ಯಗಳನ್ನು ಕಲಿಯುವುದರ ಜೊತೆಗೆ ಭಾರತದಲ್ಲಿ ಸಂಸ್ಥೆಯು ನಡೆಸುತ್ತಿರುವ ಅನೇಕ ಸೇವಾಯೋಜನೆಗಳಿಗೂ ಸಹಾಯ ಮಾಡಿದಂತಾಗುತ್ತದೆ. ಉದಾಹರಣೆಗೆ, ಬುಡಕಟ್ಟು ಜನಾಂಗದ 70,000 ಮಕ್ಕಳಿಗೆ ಉಚಿತ ಶಿಕ್ಷಣ, 43 ನದಿಗಳ ಪುನಶ್ಚೇತನ, 2,04,802 ಗ್ರಾಮೀಣ ಯುವಕರಿಗೆ ಜೀವನೋಪಾಯದ ಮಾರ್ಗವನ್ನು ಕಲ್ಪಿಸುವ ಕೌಶಲ್ಯಗಳ ಮೂಲಕ ಯುವ ಸಬಲೀಕರಣ, ಸೌರ ದೀಪಗಳ ಮೂಲಕ 720 ಗ್ರಾಮಗಳಿಗೆ ಬೆಳಕು, ಮುಂತಾದ ಅನೇಕ ಯೋಜನೆಗಳಿಗೆ ನಿಮ್ಮ ದೇಣಿಗೆಯು ಸದ್ವಿನಿಯೋಗವಾಗುತ್ತದೆ. ಹೀಗಾಗಿ, ಈ ಶಿಬಿರದ ಪ್ರಯೋಜನವನ್ನು ಪಡೆದವರು ಈ ಶುಲ್ಕ ಬಹಳ ಕಡಿಮೆ ಎನ್ನುತ್ತಾರೆ. ಸಂಸ್ಥೆಯ ಮಹತ್ಕಾರ್ಯಗಳ ಜೊತೆಗೆ ಕೈಜೋಡಿಸಲು ಇಚ್ಛಿಸುವವರು ಹೆಚ್ಚಿನ ದೇಣಿಗೆಯನ್ನೂ ನೀಡಬಹುದು.