ನೈಸರ್ಗಿಕವಾಗಿ ಕೃಷಿಯನ್ನು ಮಾಡುವ ತಂತ್ರಗಳೊಂದಿಗೆ ರೈತರ ಸಬಲೀಕರಣ

ಅವಲೋಕನ

ಸಾಲ, ಬೆಳೆಯ ವೈಫಲ್ಯ ಮತ್ತು ಸಾಮಾಜಿಕ ಒತ್ತಡಗಳು ಭಾರತದ ಅನ್ನದಾತರ ಬಹು ದೊಡ್ಡ ಸಮಸ್ಯೆಗಳಾಗಿವೆ. ರೈತರು ದುಬಾರಿ ರಾಸಾಯನಿಕ ಗೊಬ್ಬರ, ಕೀಟನಾಶಕ ಮತ್ತು ಬೀಜಗಳನ್ನು ಖರೀದಿಸಲು ಬ್ಯಾಂಕುಗಳಿಂದ ಸಾಲವನ್ನು ತೆಗೆದುಕೊಳ್ಳುತ್ತಾರೆ. ಒಂದು ವೇಳೆ ಮಳೆಯು ಕೈಕೊಟ್ಟಿತೆಂದರೆ,ರೈತರು, ಬೆಳೆಯೂ ಇಲ್ಲದೆ , ಸಾಲ ಮಾಡಿ ಪಡೆದುಕೊಂಡ ಹಣವನ್ನೂ ಕಳೆದುಕೊಂಡು ಸಾಲ ತೀರಿಸಲು ಯಾವುದೇ ವಿಧದ ದಾರಿಯನ್ನು ಕಾಣದೆ ಪರದಾಡುತ್ತಾರೆ.

ಆರ್ಟ್ ಆಫ್ ಲಿವಿಂಗ್ ಸಂಸ್ಥೆಯು ಆರಂಭಿಸಿದ " ಶ್ರೀ ಶ್ರೀ ನ್ಯಾಚುರಲ್ ಫಾರ್ಮಿಂಗ್ ಪ್ರಾಜೆಕ್ಟ್ " ಯೋಜನೆಯು ಭಾರತದಾದ್ಯಂತ ನೈಸರ್ಗಿಕವಾಗಿ ಕೃಷಿ ಮಾಡುವ ತಂತ್ರಗಳಿಗೆ ಉತ್ತೇಜನವನ್ನು ಕೊಡುತ್ತಿದೆ. ಇದು ರೈತರಿಗೆ ಕಡಿಮೆ ವೆಚ್ಚ, ಸುಧಾರಿತ ಮಟ್ಟದ ಉತ್ಪಾದನೆ ಮತ್ತು ಲಾಭದ ಭರವಸೆಯನ್ನು ನೀಡುತ್ತದೆ.

ಪ್ರಸ್ತುತ ರಾಸಾಯನಿಕ ಗೊಬ್ಬರ, ಕೀಟನಾಶಕ ಮತ್ತು ಹೈಬ್ರಿಡ್ ಬೀಜಗಳ ಖರೀದಿಗೆ ರೈತರು ಅತ್ಯಂತ ದೊಡ್ಡ ಮೊತ್ತದ ಸಾಲವನ್ನು ಮಾಡಬೇಕಾಗುತ್ತದೆ ಮಾತ್ರವಲ್ಲದೆ ಈ ರಸಾಯನಗಳು ನೀರನ್ನು ಕಲುಷಿತಗೊಳಿಸಿ ಮಣ್ಣಿನಲ್ಲಿರುವ ಪೋಷಕಾಂಶಗಳನ್ನು ಖಾಲಿ ಮಾಡಿ ಪರಿಸರ ವ್ಯವಸ್ಥೆಯನ್ನು ಹಾನಿಗೊಳಿಸುತ್ತವೆ. ಆರ್ಟ್ ಆಫ್ ಲಿವಿಂಗ್ ಸಂಸ್ಥೆಯು ನೈಸರ್ಗಿಕವಾದ ರೀತಿಯಲ್ಲಿ ಹೇಳಿಕೊಡುವಂತಹ- ಕೃಷಿ ಮಾಡುವ ತಂತ್ರಗಳು ಸ್ವಾಭಾವಿಕವಾಗಿ ಪರಿಸರ ಸ್ನೇಹಿಯಾಗಿದ್ದು ,ಸುಸ್ಥಿರವಾಗಿರುತ್ತವೆ. ಅಷ್ಟೇ ಅಲ್ಲದೆ ಇವುಗಳನ್ನು ಕಡಿಮೆ ಹೂಡಿಕೆಯಲ್ಲಿ ಮಾಡಬಹುದಾಗಿದೆ. ಪ್ರಾರಂಭದ ದಿನಗಳಿಂದಲೂ ಭಾರತದ ಆರ್ಥಿಕತೆಯು ಪ್ರಾಥಮಿಕವಾಗಿ ಕೃಷಿ ಪ್ರಧಾನವಾಗಿದ್ದು , ಆಗಿನಿಂದಲೇ ಈ ತಂತ್ರಗಳನ್ನು ಪ್ರಧಾನವಾಗಿ ಬಳಸಲಾಗುತ್ತಿತ್ತು. ಆದರೆ ಅರವತ್ತರ ದಶಕದಲ್ಲಿ ದೇಶದಲ್ಲಿ ನಡೆದ ಹಸಿರು ಕ್ರಾಂತಿಯು ರಸಗೊಬ್ಬರ ಮತ್ತು ಹೈಬ್ರಿಡ್ ಬೀಜಗಳ ಅತಿರೇಕದ ಬಳಕೆಯನ್ನು ಪ್ರೇರೇಪಿಸಿತು. ಇದು ಭಾರತೀಯ ರೈತರನ್ನು ಭಾರೀ ಸಾಲದ ಅಡಿಯಲ್ಲಿ ಹೂತುಹಾಕಿ ಪರಿಸರ ವ್ಯವಸ್ಥೆಯ ಮೇಲೆ ಋಣಾತ್ಮಕವಾದ ಪರಿಣಾಮವನ್ನು ಬೀರಿತು. ರೈತರಿಗೆ ಸಹಾಯ ಮಾಡುವ, ಮಣ್ಣಿನ ಗುಣಮಟ್ಟವನ್ನು ಕಾಪಾಡುವ ಮತ್ತು ಪರಿಸರ ವ್ಯವಸ್ಥೆಯನ್ನು ಉಳಿಸುವ ಮತ್ತೊಂದು ಕೃಷಿಯ ಕ್ರಾಂತಿಯನ್ನು ನಡೆಸಲು ಪ್ರಸ್ತುತ ಈಗಿನ ಕಾಲವು ಕರೆ ನೀಡುತ್ತಿದೆ. ಮಣ್ಣಿನಲ್ಲಿರುವ ಪೋಷಕಾಂಶಗಳನ್ನು ಖಾಲಿ ಮಾಡಿ ಪರಿಸರ ವ್ಯವಸ್ಥೆಯನ್ನು ಹಾನಿಗೊಳಿಸುತ್ತವೆ. ಆರ್ಟ್ ಆಫ್ ಲಿವಿಂಗ್ ಸಂಸ್ಥೆಯ ನೈಸರ್ಗಿಕ ಕೃಷಿ ತಂತ್ರಗಳು ಸ್ವಾಭಾವಿಕವಾಗಿ ಪರಿಸರ ಸ್ನೇಹಿ ಮತ್ತು ಸುಸ್ಥಿರವಾಗಿರುವುದರೊಂದಿಗೆ ಕಡಿಮೆ ಹೂಡಿಕೆಯಲ್ಲಿ ಮಾಡಬಹುದಾಗಿವೆ.

ಶ್ರೀ ಶ್ರೀ ನೈಸರ್ಗಿಕ ಕೃಷಿ ಯೋಜನೆಯು ಈ ಕ್ರಾಂತಿಯನ್ನು ಪ್ರಾರಂಭಿಸಿದೆ.