ಕೈದಿಗಳ ಜೀವನದಲ್ಲಿ ಪರಿವರ್ತನೆಯನ್ನು ತರುವುದು

ಅವಲೋಕನ

ಅಪರಾಧವನ್ನು ಮಾಡಿದ ಪ್ರತಿಯೊಬ್ಬ ವ್ಯಕ್ತಿಯ ಮನೋಭಾವದಲ್ಲಿ ಬದಲಾವಣೆಯನ್ನು ಉಂಟು ಮಾಡ ಬೇಕು ಮತ್ತು ಅವರಿಗೆ ಅರ್ಥಪೂರ್ಣವಾದ ಜೀವನವನ್ನು ಪ್ರಾರಂಭಿಸಲು ಅವಕಾಶವನ್ನು ಕಲ್ಪಿಸಿ ಕೊಡಬೇಕು ಎಂದು ನಾವು ಇಚ್ಛಿಸುತ್ತೇವೆ. ಆರ್ಟ್ ಆಫ್ ಲಿವಿಂಗ್ ಸಂಸ್ಥೆಯ ಜೈಲು ಕಾರ್ಯಕ್ರಮವನ್ನು, ಜೈಲುಗಳಲ್ಲಿ ಬಂಧಿಯಾಗಿರುವವರಿಗೆ ಮತ್ತು ಕ್ರಿಮಿನಲ್ ನ್ಯಾಯ ವ್ಯವಸ್ಥೆಯಲ್ಲಿ ಸೇವೆ ಸಲ್ಲಿಸುವವರಿಗೆ, ಇಬ್ಬರಿಗೂ ಸರಿಹೊಂದುವಂತೆ ಹಾಗೂ ಸಹಕಾರಿಯಾಗುವಂತೆ ನಿಯೋಜಿಸಲಾಗಿದೆ.

ಈ ಕಾರ್ಯಕ್ರಮವು ಒತ್ತಡಗಳನ್ನು ಕಡಿಮೆ ಮಾಡುವ ಕೌಶಲ್ಯಗಳನ್ನು ಕಲಿಸುವ ಮೂಲಕ, ಆಘಾತವನ್ನು ಗುಣಪಡಿಸುವುದಷ್ಟೇ ಅಲ್ಲದೆ, ನಕಾರಾತ್ಮಕ ಭಾವನೆಗಳನ್ನು ಎದುರಿಸುವಂತಹ ಪ್ರಾಯೋಗಿಕ ವಿಧಾನಗಳನ್ನು ಒದಗಿಸುವ ಮೂಲಕ ಅವರೆಲ್ಲರ ಜೀವನದಲ್ಲಿ ಪರಿವರ್ತಿನೆಯನ್ನು ತಂದಿದೆ.

ಹಿಂಸಾಚಾರದ ಇತಿಹಾಸವನ್ನು ಹೊಂದಿರುವ ಕೈದಿಗಳಿಗೆ ಮತ್ತು ಜನರಿಗೆ, ತಾವು ಎಸಗಿದ ಅಪರಾಧಗಳಿಂದಾಗಿ , ಅವರಲ್ಲಿ ಉಂಟಾದ ಆತ್ಮಗ್ಲಾನಿಯಿಂದ ಮತ್ತು ಹಿಂಜರಿಯುವಿಕೆಯಿಂದ ಹೊರಗೆ ಬರಲು, ಈ ಕಾರ್ಯಕ್ರಮವು ಅವರೆಲ್ಲರಿಗೆ ಸಹಾಯ ಮಾಡುತ್ತದೆ.

ಇದಕ್ಕಾಗಿ ನಾವು ಜೈಲಿನಲ್ಲಿರುವ ವಿವಿಧ ಅಧಿಕಾರಿಗಳೊಂದಿಗೆ ಮತ್ತು ಸಶಸ್ತ್ರ ಪಡೆಗಳೊಂದಿಗೆ ಕೆಲಸವನ್ನು ಮಾಡುತ್ತಿದ್ದೇವೆ. ವಿಶ್ವದಾದ್ಯಂತವೂ ಇದುವರೆಗೆ ನಾವು ಸುಮಾರು 8 ಲಕ್ಷಕ್ಕೂ ಹೆಚ್ಚುವರಿ ಕೈದಿಗಳಿಗೆ ಈ ಕಾರ್ಯಕ್ರಮಗಳನ್ನು ನಡೆಸಿದ್ದೇವೆ. ನಾವು ಸ್ಪರ್ಶಿಸಿದ ಅನೇಕ ಕೈದಿಗಳು ಈಗ ಆರ್ಟ್ ಆಫ್ ಲಿವಿಂಗ್ ಕಾರ್ಯಕ್ರಮಗಳ ಶಿಕ್ಷಕರಾಗಿದ್ದಾರೆ ಮತ್ತು ಸಮಾಜದಲ್ಲಿ ಸಕಾರಾತ್ಮಕ ಬದಲಾವಣೆಯನ್ನು ತರಲು ನಮ್ಮೊಂದಿಗೆ ಕೆಲಸ ಮಾಡುತ್ತಿದ್ದಾರೆ. ಆಶ್ಚರ್ಯವೆನಿಸುತ್ತಿದ್ದರೂ ಇದು ನೈಜತೆಯಾಗಿದೆ.