ಅಡ್ವಾನ್ಸ್ಡ್ ಮೆಡಿಟೇಶನ್ ಪ್ರೋಗ್ರಾಮ್ (AMP)

ನಿಮ್ಮ ಕಾರಿಗೆ ಪ್ರತಿ ಆರು ತಿಂಗಳು - ವರ್ಷಕ್ಕೊಮ್ಮೆ ಸರ್ವೀಸಿಂಗ್ ಮಾಡಿಸಿದಂತೆಯೇ ನಿಮ್ಮ ದೇಹ ಮತ್ತು ಮನಸ್ಸಿಗೂ ಸ್ವಲ್ಪ ಕಾಳಜಿ ಮತ್ತು ಪುನಶ್ಚೇತವು ಆಗಿಂದಾಗ ಅವಶ್ಯಕವಾಗುತ್ತದೆ. ಉನ್ನತ ಧ್ಯಾನದ ಕಾರ್ಯಕ್ರಮದಿಂದ, ನೀವು ಹ್ಯಾಪಿನೆಸ್ ಕಾರ್ಯಕ್ರಮದಲ್ಲಿ ಅಥವಾ ಆನ್ ಲೈನ್ ಧ್ಯಾನ ಮತ್ತು ಉಸಿರಾಟದ ಕಾರ್ಯಾಗಾರವನ್ನು ಮಾಡಿದಾಗ ಪಡೆದ ಸಂತೋಷವನ್ನು ಮತ್ತಷ್ಟು ಹೆಚ್ಚಿಸಿ, ಸಂರಕ್ಷಿಸಿಕೊಳ್ಳಬಹುದು. ನಿಮ್ಮ ಧ್ಯಾನವು ಆಳವಾದಲ್ಲಿ ನೀವು, ಆಳವಾದ ವಿಶ್ರಾಂತಿಯನ್ನು ಪಡೆಯುತ್ತೀರಿ. ನೀವು ಯೋಗಿಯಾಗುವುದಿಲ್ಲ! ಅನೇಕ ಜನರು ಈ ಕಾರ್ಯಕ್ರಮವನ್ನು ಅನೇಕ ಸಲ ಮಾಡಿದ್ದಾರೆ ಮತ್ತು ಆಳವಾದ ವಿಶ್ರಾಂತಿಯನ್ನು ಪಡೆದಿದ್ದಾರೆ. ಪ್ರತಿ ಸಲ ಈ ಕಾರ್ಯಕ್ರಮವನ್ನು ಮಾಡಿದಾಗಲೆಲ್ಲಾ ಇದರಿಂದ ಅನೇಕರು ನಿರಾಳತೆಯನ್ನು ಪಡೆದಿದ್ದಾರೆ.

ಈಗ ನೀವು ಒತ್ತಡದಲ್ಲಿ ಇಲ್ಲದೇ ಇರುವುದು ಒಳ್ಳೆಯ ವಿಷಯ. ಆದರೆ ಕಾಲಕಳೆದಂತೆ, ವಯಸ್ಸು ಹೆಚ್ಚಾದಂತೆ ಜೀವನದಲ್ಲಿ ನಿಮ್ಮ ಕೆಲಸ ಮತ್ತು ಜವಾಬ್ದಾರಿಗಳೂ ಸಹ ಹೆಚ್ಚುತ್ತಲೇ ಹೋಗುತ್ತವೆ. ಆ ಸಮಯದಲ್ಲಿ ಒತ್ತಡಕ್ಕೆ ಒಳಗಾಗುವವರೆಗೂ ಕಾದು, ನಂತರ ಅದನ್ನು ನಿಭಾಯಿಸಲು ಯತ್ನಿಸುವ ಬದಲಿಗೆ ಈಗಿಂದಲೇ ನಿಮ್ಮನ್ನು ಸಿದ್ಧಪಡಿಸಿಕೊಳ್ಳುವುದು ಒಳ್ಳೆಯದಲ್ಲವೆ? ವರ್ಷದ ಕೊನೆಯಲ್ಲಿ ಬರುವ ಪರೀಕ್ಷೆಯನ್ನು ಬರೆಯಲು, ವರ್ಷದ ಕೊನೆಯವರೆಗೆ ಕಾದು ನಂತರ ಓದಲು ನೀವು ಪ್ರಾರಂಭಿಸುವುದಿಲ್ಲವಲ್ಲ? ನಿಮ್ಮ ಕೂಡಿಟ್ಟ ಹಣವೆಲ್ಲವೂ ಖರ್ಚಾಗಿ ಹೋದ ನಂತರ ಮಾತ್ರವೇ ನೀವು ಹಣವನ್ನು ಗಳಿಸಲು ಆರಂಭಿಸುವುದಿಲ್ಲ ಅಲ್ಲವೆ? ಅದಕ್ಕೂ ಮೊದಲೇ ಸಿದ್ಧತೆಯನ್ನು ಮಾಡಿಕೊಳ್ಳುತ್ತೀರಿ. ಆದ್ದರಿಂದ, ನಿಮ್ಮಲ್ಲಿ ಒತ್ತಡ ಉಂಟಾಗುವ ಮೊದಲೇ ಕೆಲವು ಪ್ರಕ್ರಿಯೆಗಳ ಮೂಲಕ ನಿಮ್ಮ ಆಂತರ್ಯದ ಬಲವನ್ನು, ಸ್ಥಿರತೆಯನ್ನು ಹೆಚ್ಚಿಸಿಕೊಳ್ಳುವ ಪ್ರಯತ್ನವನ್ನು ಮಾಡಬಾರದೇಕೆ?

ಈ ಕಾರ್ಯಕ್ರಮದಲ್ಲಿ ನಿಮಗೆ ಉಸಿರಾಟದ ಪ್ರಕ್ರಿಯೆಗಳನ್ನು ಹೇಳಿಕೊಡಲಾಗುತ್ತದೆ. ಇದರಿಂದ ನಿಮ್ಮ ಶಕ್ತಿಯ ಮಟ್ಟ ಹೆಚ್ಚುತ್ತದೆ. ಮೌನದಿಂದ ಅಂತರ್ಮುಖಿಯಾಗಿ ಆಳವಾದ ವಿಶ್ರಾಂತಿಯನ್ನು ಪಡೆಯುತ್ತೀರಿ. ಪ್ರಕ್ರಿಯೆಗಳು ಸರಳವಾದವು. ಇದರಿಂದ ಹೆಚ್ಚು ಬಲಿಷ್ಠರಾಗುತ್ತೀರಿ ಮತ್ತು ಹೆಚ್ಚು ಸ್ಥಿರರಾಗುತ್ತೀರಿ. ಆದ್ದರಿಂದ, ಈ ಕಾರ್ಯಕ್ರಮವನ್ನು ಮಾಡಲು ಹೆಚ್ಚು ವಯಸ್ಸಾಗಿದೆ ಎಂದು ಭಾವಿಸಿಕೊಳ್ಳಬೇಕಿಲ್ಲ.

ಕಾರ್ಯಕ್ರಮದ ಸಂಪೂರ್ಣ ಲಾಭ ಪಡೆದುಕೊಳ್ಳಲು, ನೀವು ಯಾವುದೇ ರೀತಿಯಿಂದ ಸಂಪರ್ಕ ಮಾಡದಿರುವುದು ಒಳ್ಳೆಯದು. ನಿಮ್ಮ ಸಮಯವು ನಿಮಗಾಗಿಯೇ ಮೀಸಲಾಗಿರಲಿ. ಇದು ನೀವು ಅಂದುಕೊಂಡಷ್ಟು ಕಷ್ಟದ ಸಂಗತಿಯಲ್ಲ. ಇದು ಸುಲಭ ಸಾಧ್ಯ!

ಇಲ್ಲ, ಉನ್ನತ ಧ್ಯಾನದ ಕಾರ್ಯಕ್ರಮವು (AMP) ವಿಪಶನ ಧ್ಯಾನದಂತಲ್ಲ. AMP ಧ್ಯಾನದ ಅನುಭವವು ಅತ್ಯಂತ ಗಹನವಾದ ಅನುಭವ. ಈ ಕಾರ್ಯಕ್ರಮದಿಂದ ದೊರಕುವ ಆಳವಾದ ಒಳನೋಟವು, ಜೀವನವನ್ನೇ ಪರಿವರ್ತಿಸಬಲ್ಲದು. ಆಲ್ ಇಂಡಿಯ ಇನ್ ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ (ಏಮ್ಸ್) ಮತ್ತು ಇನ್ನಿತರ ಪ್ರಖ್ಯಾತ ಸಂಸ್ಥೆಗಳಲ್ಲಿ ಮಾಡಲಾದ ಸಂಶೋಧನೆಗಳಲ್ಲಿ, ಇಲ್ಲಿ ನಾವು ಅನುಸರಿಸುವ ಪ್ರಕ್ರಿಯೆಗಳಿಂದ ಮನೋ ಜಾಗೃತಿ, ಉತ್ತಮವಾದ ರೋಗನಿರೋಧಕ ಸ್ಥಿತಿ ಮತ್ತು ಉತ್ತಮ ಜೀವನದ ಗುಣಮಟ್ಟ ಉಂಟಾಗುತ್ತದೆಂದು ಸಾಬೀತಾಗಿದೆ.

ಮೂರು ಪೂರ್ಣ ದಿನಗಳು ಈ ಕಾರ್ಯಕ್ರಮವು ಇರಲಿದೆ. ಬೆಳಿಗ್ಗೆ 6 ಅಥವಾ 7 ಗಂಟೆಗೆ ಈ ಕಾರ್ಯಕ್ರಮವು ಆರಂಭವಾಗುತ್ತದೆ ಮತ್ತು ರಾತ್ರಿ 8 ಅಥವಾ 9 ಗಂಟೆಗೆ ಮುಗಿಯುತ್ತದೆ. ಆದ್ದರಿಂದ ಈ ಮೂರು ದಿನಗಳ ಮಟ್ಟಿಗೆ ನಿಮ್ಮ ಪ್ರತಿನಿತ್ಯದ ಚಟುವಟಿಕೆಗಳಿಗೆ ವಿರಾಮವನ್ನು ನೀಡಿ, ನಿಮಗೆಂದೇ ಈ ಸಮಯವನ್ನು ಮುಡಿಪಾಗಿಡಿ.

ನಿಮ್ಮ ದಿನನಿತ್ಯದ ದಿನಚರಿಯಿಂದ ನಿಮಗೆ ವಿರಾಮ ಸಿಗಲೆಂದೇ ಈ ಕಾರ್ಯಕ್ರಮವನ್ನು ರೂಪಿಸಲಾಗಿದೆ! ಕಾರ್ಯಕ್ರಮದ ನಡುವೆ ಊಟ ಮತ್ತು ಇತರ ಅವಶ್ಯಕತೆಗಳಿಗಾಗಿ ಸಣ್ಣ ವಿರಾಮಗಳನ್ನು ಕೊಡಲಾಗುತ್ತದೆ.

ಈ ಕಾರ್ಯಕ್ರಮದಲ್ಲಿ ಗುರುದೇವರ ಮಾರ್ಗದರ್ಶಿತ ಧ್ಯಾನಗಳು ಇರುತ್ತವೆ, ಯಾವುದೇ ವೈಯಕ್ತಿಕ ಮಂತ್ರದ ಉಪದೇಶ ಇರುವುದಿಲ್ಲ ಆದರೆ ನೀವು ಮಂತ್ರ ಧ್ಯಾನವನ್ನು ಮಾಡಬೇಕೆಂದು ಬಯಸಿದ್ದಲ್ಲಿ, ನಮ್ಮ 'ಸಹಜ ಸಮಾಧಿ ಧ್ಯಾನ ಯೋಗ'ದ ಕಾರ್ಯಕ್ರಮವನ್ನು ನೀವು ಮಾಡಬಹುದು.

ಹ್ಯಾಪಿನೆಸ್ ಕಾರ್ಯಕ್ರಮವನ್ನು/ ಆನ್ ಲೈನ್ ಧ್ಯಾನ, ಉಸಿರಾಟದ ಕಾರ್ಯಾಗಾರವನ್ನು ಮಾಡಲು ನಿಮಗೆ ಸಾಧ್ಯವಾಗಿದೆ ಎಂದಾದರೆ, ಉನ್ನತ ಧ್ಯಾನ ಕಾರ್ಯಕ್ರಮವನ್ನು ಮಾಡಲು ನಿಮಗೆ ಯಾವ ತೊಂದರೆ ಇರುವುದಿಲ್ಲ. ನಿಮಗಿರಬಹುದಾದ ವೈದ್ಯಕೀಯ ಸಮಸ್ಯೆಗಳನ್ನು ನಿಮ್ಮ ಶಿಕ್ಷಕರಿಗೆ ತಿಳಿಸಿ.

ಹಾಗೆನಿಲ್ಲ. ಈ ಕಾರ್ಯಕ್ರಮವನ್ನು ಮಾಡಲು ನಿಮ್ಮ ಆಹಾರದ ಕ್ರಮ ಮುಖ್ಯವಲ್ಲ, ಆದರೆ ಕಾರ್ಯಕ್ರಮಕ್ಕೆ ಪೂರಕವಾಗಲು ನೀವು ಲಘುವಾದ ಸಸ್ಯಾಹಾರದ ಸೇವನೆ ಮಾಡುವುದು ಒಳಿತು. ಇದರಿಂದ ನಿಮಗೆ ಆಳವಾದ ಧ್ಯಾನವು ಸಾಧ್ಯವಾಗುತ್ತದೆ.

ಸುದರ್ಶನ ಚಕ್ರ ಕ್ರಿಯೆಯು ಅತ್ಯಂತ ಪರಿಣಾಮಕಾರಿ ಪ್ರಕ್ರಿಯೆಯಾಗಿದೆ. ಒಮ್ಮೆ, ಉನ್ನತ ಧ್ಯಾನ ಕಾರ್ಯಕ್ರಮವನ್ನು ಮಾಡಿದ ನಂತರ ಇದನ್ನು ನೀವು ಉಚಿತವಾಗಿ ಕಲಿಯಬಹುದಾಗಿದೆ. ನಿಮ್ಮ ಉನ್ನತ ಧ್ಯಾನ ಕಾರ್ಯಕ್ರಮವು ಪೂರ್ಣಗೊಂಡ ನಂತರ ಇದನ್ನು ನಿಮ್ಮ ಶಿಕ್ಷಕರಿಂದ ಕಲಿತು ನಿತ್ಯ ಅಭ್ಯಸಿಸಬಹುದಾಗಿದೆ.