ಮೇಧಾ ಯೋಗ ಲೆವೆಲ್ 1

ಮೇಧಾಯೋಗ ಎಂದರೇನು?

“ಹದಿಹರೆಯದಲ್ಲಿ ಸಂತೋಷವಾಗಿರುವ ಮಕ್ಕಳು ಮುಂದೆ ಆರೋಗ್ಯವಂತ ವಯಸ್ಕರಾಗಿ ಬೆಳೆಯುತ್ತಾರೆ” ಎಂಬುದು ಸಂಶೋಧನೆಯ ಮೂಲಕ ತಿಳಿದುಬಂದ ಅಂಶ. ಆದರೆ ಹದಿವಯಸ್ಕರಲ್ಲಿ ಸಂತೋಷ ವಿರಳವಾಗುತ್ತಿದೆ. ಬಾಲ್ಯದಿಂದ ಯೌವನಕ್ಕೆ ಕಾಲಿಡುವಾಗ ವಿದ್ಯಾಭ್ಯಾಸ, ಪ್ರವೇಶಪರೀಕ್ಷೆಗಳು, ಸಮವಯಸ್ಕರ ಒತ್ತಡ ಮತ್ತು ಸಂಬಂಧಗಳಲ್ಲಿ ಏರುಪೇರು ಮುಂತಾದ ಅನೇಕ ಸಮಸ್ಯೆಗಳು ಎದುರಾಗುತ್ತವೆ.

ಮೇಧಾ ಯೋಗ, ಲೆವೆಲ್‌ 1, ಈ ಕಾರ್ಯಕ್ರಮವು ಹದಿವಯಸ್ಕರ ಒತ್ತಡಗಳನ್ನು ಕಡಿಮೆ ಮಾಡಿ ಅವರಲ್ಲಿ ಸಂತೋಷವನ್ನು ಹುಟ್ಟಿಸುವುದರ ಮೂಲಕ ಹೆಚ್ಚಿನ ಸಾಧನೆಗೆ ಅವರನ್ನು ಅಣಿಗೊಳಿಸುತ್ತದೆ. ವಿಶೇಷವಾದ ಉಸಿರಾಟದ ತಂತ್ರಗಳ ಮೂಲಕ ಅವರು ತಮ್ಮ ನಕಾರಾತ್ಮಕ ಭಾವನೆಗಳನ್ನು ತೊಡೆದುಕೊಂಡು ಒತ್ತಡವನ್ನು ನಿಭಾಯಿಸಲು ಕಲಿಯುತ್ತಾರೆ. ಅಧ್ಯಯನ, ಸಮವಯಸ್ಕರ ಒತ್ತಡ, ಸ್ವಾಭಿಮಾನ, ಮುಂತಾದ ವಿಷಯಗಳ ಮೇಲೆ ನಡೆಯುವ ಚರ್ಚೆಯು ಅವರಿಗೆ ತಮ್ಮ ಸಂಪೂರ್ಣ ಸಾಮರ್ಥ್ಯವನ್ನು ಬಳಸಿಕೊಂಡು ಯಶಸ್ವಿಯಾಗಲು ಸಲಹೆ, ಮಾರ್ಗದರ್ಶನಗಳನ್ನು ನೀಡುತ್ತದೆ. ಜೊತೆಗೆ, ಸಾಂಘಿಕ ಕೆಲಸ ಮತ್ತು ಸಹಕಾರ ಮನೋಭಾವ ಮುಂತಾದ ಬದುಕಿನ ಕೌಶಲ್ಯಗಳನ್ನು ಸಂವಾದಾತ್ಮಕ ಪ್ರಕ್ರಿಯೆ ಮತ್ತು ಆಟಗಳ ಮೂಲಕ ಕಲಿಸಲಾಗುತ್ತದೆ.

ಸರಸವಾದ ಆಸಕ್ತಿ ಕೆರಳಿಸುವ ವಾತಾವರಣದಲ್ಲಿ ಬೆರೆಯುವುದು ಮತ್ತು ಕಲಿಯುವುದರ ಮೂಲಕ ಯಶಸ್ಸು ಮತ್ತು ಸಂತೋಷ ಜೊತೆಜೊತೆಯಾಗಿರುವುದು ಸಾಧ್ಯ ಎಂಬ ವಿಶ್ವಾಸ ಅವರಲ್ಲಿ ಮೊಳೆಯುತ್ತದೆ.