ಖಿನ್ನತೆ
ಖಿನ್ನತೆಯಿಂದ…. ಆಳವಾದ ಸಂತೃಪ್ತಿಗೆ
ಖಿನ್ನತೆಯ ನಿವಾರಣೆಗೆ ಎಂಟು ನೈಸರ್ಗಿಕ ಪರಿಹಾರಗಳು
ಖಿನ್ನತೆಯನ್ನು ಹೋಗಲಾಡಿಸುವ-ಯೋಗದ ಏಳು ಭಂಗಿಗಳು
ಖಿನ್ನತೆಯನ್ನು ದೂರ ಮಾಡುವುದು ಹೇಗೆ
ಒತ್ತಡವನ್ನು ಶೀಘ್ರವಾಗಿ ಹೇಗೆ ನಿರ್ಮೂಲನ ಮಾಡುವುದು?
ಒತ್ತಡವನ್ನು ನಿವಾರಿಸಲು 5 ಯೋಗಾಸನಗಳು
ಈ 5 ಸರಳವಾದ ವಿಧಾನಗಳೊಂದಿಗೆ ಆತಂಕವನ್ನು ನೀವೇ ನಿವಾರಿಸಿಕೊಳ್ಳಿ!!
ಜವಾಬ್ದಾರಿಯನ್ನು ತೆಗೆದುಕೊಳ್ಳಿ
ಆರ್ಥಿಕವಾಗಿ ಉಂಟಾದ ವಿಷಮ ಪರಿಸ್ಥಿತಿಯ ಬಿಕ್ಕಟ್ಟಿಗಿಂತಲೂ ಮಾನಸಿಕ ಖಿನ್ನತೆಯು ಅತ್ಯಂತ ಕೆಟ್ಟದಾಗಿದೆ. ಇದನ್ನು ದಾಟಿ ಹೋಗಬೇಕಾದರೆ ತಮ್ಮ ಸುತ್ತಲಿನ ಜನರಿಗೆ ಸಹಾಯ ಮಾಡುವ ಹೊಣೆಗಾರಿಕೆಯನ್ನು ವಹಿಸಿಕೊಳ್ಳಬೇಕು. ಆದುದರಿಂದ, ಖಿನ್ನತೆಯುಂಟಾದಾಗ, ಇದು ನಮ್ಮ ಕರ್ಮದ ಪರಿಣಾಮ ,ಎಂದು ಭಾವಿಸಿ ನಿಷ್ಕ್ರಿಯವಾಗಿ ಇದ್ದುಬಿಡಬೇಡಿ. ನೀವು ಖಂಡಿತವಾಗಿಯೂ ಅದರ ಬಗ್ಗೆ ಜವಾಬ್ದಾರಿಯನ್ನು ತೆಗೆದುಕೊಂಡು ಏನನ್ನಾದರೂ ಮಾಡಲು ಸಾಧ್ಯವಿದೆ.
ನಿಮ್ಮ ಜೀವನವು ಅತ್ಯಂತ ಅಮೂಲ್ಯ ಎನ್ನುವುದನ್ನು ಸ್ಮರಿಸಿಕೊಳ್ಳಿ
ನಿಮ್ಮ ಜೀವನವು ತುಂಬಾ ಅಮೂಲ್ಯವಾಗಿದೆ. ಅದನ್ನು ವ್ಯರ್ಥವಾಗಿ ಕಳೆದುಕೊಳ್ಳಬೇಡಿ. ನೀವು ಧ್ಯಾನ ಮಾಡುವಾಗ, ನಿಮ್ಮನ್ನು ಕಾಡುತ್ತಿರುವ ಮತ್ತು ನಿಮ್ಮ ಜೀವನವನ್ನು ದುಃಖಕರವಾಗಿಸಿದ ಎಲ್ಲಾ ಹಿಂದಿನ ಗಾಯಗಳು ಕೆಲವೇ ಸಮಯದಲ್ಲಿ ಮಾಯವಾಗಿ ಬಿಡುತ್ತವೆ. ಪ್ರಪಂಚದ ಎಲ್ಲಕ್ಕಿಂತಲೂ ಹೆಚ್ಚಾಗಿ ನೀವು ನಿಮ್ಮನ್ನು ಗೌರವಿಸಿಕೊಳ್ಳಬೇಕು. ಏಕೆಂದರೆ ನಿಮ್ಮ ಇಡೀ ಪ್ರಪಂಚದಲ್ಲಿ ನೀವೇ ನಿಮ್ಮ ಕೇಂದ್ರ ಬಿಂದುವಾಗಿದ್ದೀರಿ.
ನೀವು ಸುಮ್ಮನೆ ಯೋಚನೆ ಮಾಡಿಕೊಂಡು ಚಿಂತಿಸುತ್ತಾ ಕುಳಿತುಕೊಳ್ಳಬೇಡಿ
ಆದ್ದರಿಂದ ಬರೀ ಸುಮ್ಮನೆ ಕುಳಿತುಕೊಂಡು ನಿಮ್ಮ ಬಗ್ಗೆಯೇ ಯೋಚಿಸುತ್ತಾ ಚಿಂತೆಯಲ್ಲಿ ಮುಳುಗಿಬಿಡಬೇಡಿ. 'ನನಗೆ.. ಏನಾಗುತ್ತದೆ? ಮುಂದೆ ನನಗೆ… ಏನಾಗಬಹುದು?’ಎಂದು ನಿಮ್ಮ ಬಗ್ಗೆಯೇ ನೀವು ಚಿಂತಿಸುತ್ತಾ ಕುಳಿತುಕೊಂಡರೆ, ಖಂಡಿತವಾಗಿಯೂ ನೀವು ಖಿನ್ನತೆಗೆ ಒಳಗಾಗುತ್ತೀರಿ . ನೀವು ಈ ಜಗತ್ತಿನಲ್ಲಿ ಇರುವುದು ಸಮಾಜದಲ್ಲಿ ಕೆಲವು ಒಳ್ಳೆಯ ಕೆಲಸಗಳನ್ನು ಮಾಡಲಿಕ್ಕಾಗಿ! ನೀವು ದೇವರ ಕೆಲಸವನ್ನು ಮಾಡಲು ಈ ಜಗತ್ತಿಗೆ ಬಂದಿದ್ದೀರಿ. ಇದನ್ನು ಅರ್ಥಮಾಡಿಕೊಳ್ಳಿ ಮತ್ತು ಯಾವುದಾದರೂ ಸೇವಾ ಚಟುವಟಿಕೆಗಳಲ್ಲಿ ಭಾಗವಹಿಸಿ. ಪ್ರತಿನಿತ್ಯವೂ ಸುದರ್ಶನ ಕ್ರಿಯೆ ಮತ್ತು ಧ್ಯಾನವನ್ನು ಅಭ್ಯಾಸ ಮಾಡಿ. ಸ್ವಲ್ಪ ಸಮಯದವರೆಗೆ ಸುದರ್ಶನ ಕ್ರಿಯೆಯನ್ನು ಅಭ್ಯಾಸ ಮಾಡುತ್ತಿದ್ದಂತೆ, ನಿಮ್ಮಲ್ಲಿ ಎಷ್ಟೊಂದು ಬದಲಾವಣೆಯಾಗುತ್ತದೆ ಎಂಬುದನ್ನು ನೀವೇ ಪ್ರತ್ಯಕ್ಷವಾಗಿ ನಿಮ್ಮ ಅನುಭವದಿಂದಲೇ ಕಂಡುಕೊಳ್ಳಿ!
ಎಚ್ಚೆತ್ತುಕೊಳ್ಳಿ
ನೀವು ಯಾವ ಕಾರಣಕ್ಕಾಗಿ ಖಿನ್ನತೆಗೆ ಒಳಗಾಗಿದ್ದೀರಿ? ಎಚ್ಚೆತ್ತುಕೊಂಡು ನೋಡಿ ಕೊಳ್ಳಿ. ಹೇಗಿದ್ದರೂ, ಒಂದಲ್ಲ ಒಂದು ದಿನ ನಾವೆಲ್ಲರೂ ಸಾಯುತ್ತೇವೆ ಮತ್ತು ನಮ್ಮ ದೇಹವನ್ನು ಇಲ್ಲಿಯೇ ಬಿಡುತ್ತೇವೆ. ಈ ಭೂಮಂಡಲದಲ್ಲಿ ಇರುವಷ್ಟು ಸಮಯವಾದರೂ, ನಾವು ಸಂತೋಷವಾಗಿರಬೇಕಲ್ಲವೇ? ಇರುವಷ್ಟು ದಿನಗಳವರೆಗೆ ನಮ್ಮ ಸುತ್ತಲೂ ಸಂತೋಷವನ್ನು ಹರಡಬೇಕಲ್ಲವೇ? ನಮಗಾಗಿ ಏನನ್ನಾದರೂ ಬಯಸುವ ಬದಲು, ನಾವು ನೀಡುವ ಸ್ಥಾನದಲ್ಲಿದ್ದರೆ ಹೇಗಿರುತ್ತದೆ? ಬೇರೇನೂ ಮಾಡಲಿಕ್ಕಾಗದಿದ್ದರೆ, ನಾವು ಎಲ್ಲರಿಗೂ ಆಶೀರ್ವಾದವನ್ನಾದರೂ ಕೊಡಬಹುದು. ಅಲ್ಲವೇ? ನೀವು ನಿಮ್ಮ ಜೀವನದಲ್ಲಿ ಇತರರಿಗೆ ಒಳ್ಳೆಯದನ್ನು ಮಾಡಬೇಕೆಂದು ನಿರ್ಧರಿಸಿ, ಉತ್ತಮ ತರಂಗಗಳನ್ನು ಹರಡಲು ಪ್ರಾರಂಭಿಸಿದ ಕೂಡಲೇ, ನಿಮ್ಮ ಖಿನ್ನತೆಯು ಕಿಟಕಿಯಿಂದ ಹೊರಗೆ ಹೋಗಿರುತ್ತದೆ.
ಸಂಬಂಧಪಟ್ಟ ಕಾರ್ಯಕ್ರಮಗಳು
ಖಿನ್ನತೆಯನ್ನು ನಿವಾರಿಸುವಲ್ಲಿ ಧ್ಯಾನವು ಕೀಲಿಕೈಯಾಗಿದೆ.
ಸಹಜ ಸಮಾಧಿ ಧ್ಯಾನ ಯೋಗ
ಹೆಚ್ಚಾದ ಆಂತರಿಕ ಶಾಂತಿ • ಉತ್ತಮ ಆರೋಗ್ಯ • ಸುಧಾರಿತ ಮಾನಸಿಕ ಸ್ಪಷ್ಟತೆ • ಸೂಕ್ಷ್ಮ ಜ್ಞಾನದ ಅನಾವರಣ
* ನಿಮ್ಮ ಕೊಡುಗೆ ಆರ್ಟ್ ಆಫ್ ಲಿವಿಂಗ್‌ನ ಹಲವಾರು ಸಾಮಾಜಿಕ ಯೋಜನೆಗಳಿಗೆ ಸಹಕಾರಿಯಾಗಲಿದೆ
ಆನ್‌ಲೈನ್ ಮೆಡಿಟೇಶನ್ ಅಂಡ್ ಬ್ರೆತ್ ವರ್ಕ್‌ಶಾಪ್
ಇದು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ • ಒತ್ತಡವನ್ನು ನಿವಾರಿಸುತ್ತದೆ • ಸಂಬಂಧಗಳನ್ನು ಸುಧಾರಿಸುತ್ತದೆ • ಸಂತೋಷಮಯ ಸಾರ್ಥಕ ಜೀವನವನ್ನು ನಡೆಸಬಹುದು
* ನಿಮ್ಮ ಕೊಡುಗೆ ಆರ್ಟ್ ಆಫ್ ಲಿವಿಂಗ್‌ನ ಹಲವಾರು ಸಾಮಾಜಿಕ ಯೋಜನೆಗಳಿಗೆ ಸಹಕಾರಿಯಾಗಲಿದೆ
ಹ್ಯಾಪಿನೆಸ್ ಪ್ರೊಗ್ರಾಮ್
ಒತ್ತಡವನ್ನು ನಿವಾರಿಸುತ್ತದೆ • ಸಂಬಂಧಗಳಲ್ಲಿ ಸಾಮರಸ್ಯವನ್ನು ತರುತ್ತದೆ • ರೋಗನಿರೋಧಕ ಶಕ್ತಿಯು ವರ್ಧಿಸುತ್ತದೆ
* ನಿಮ್ಮ ಕೊಡುಗೆ ಆರ್ಟ್ ಆಫ್ ಲಿವಿಂಗ್‌ನ ಹಲವಾರು ಸಾಮಾಜಿಕ ಯೋಜನೆಗಳಿಗೆ ಸಹಕಾರಿಯಾಗಲಿದೆ
ಜೀವನದಲ್ಲಿ ಅಮೋಘವಾದ ಪರಿವರ್ತನೆಯ ಅನುಭವ
ಯಾವುದೇ ವಿಧದ ಬದಲಾವಣೆಗಳಿಲ್ಲದೆ ಜೀವನವು ಇದ್ದಂತೆಯೇ ಸ್ಥಿರವಾಗಿರುತ್ತದೆ, ಎನ್ನುವ ತಪ್ಪು ತಿಳುವಳಿಕೆಯು ಖಿನ್ನತೆಯ ಸಂಕೇತವಾಗಿದೆ . ಜೀವನದಲ್ಲಿ ಎಲ್ಲವೂ ಕೊನೆಗೊಂಡಿತು;ಬದುಕು ಸ್ಥಿರವಾಗಿದೆ; ಇದರಲ್ಲಿ ಹೆಚ್ಚಿಗೆ ಇನ್ನೇನೂ ಉಳಿದಿಲ್ಲ ;ಎಲ್ಲಿಗೂ ಹೋಗಲಿಕ್ಕೆ ಕೂಡ ಆಗುವುದಿಲ್ಲ, ಎಂದು ನೀವು ಭಾವಿಸಿದಾಗ, ನೀವು ಖಿನ್ನತೆಗೆ ಒಳಗಾಗುತ್ತೀರಿ. ಹೋರಾಡುವ ಇಚ್ಛೆಯನ್ನು ಕಳೆದುಕೊಂಡಾಗ ಇದು ಸಂಭವಿಸುತ್ತದೆ. ಆಧ್ಯಾತ್ಮಿಕತೆಯು ಧ್ಯಾನ, ಸೇವೆ, ಜ್ಞಾನ ಮತ್ತು ವಿವೇಕಗಳ ಮೂಲಕ ಶರೀರ ಮತ್ತು ಮನಸ್ಸುಗಳಲ್ಲಿ ಚೈತನ್ಯ ಶಕ್ತಿಯನ್ನು ಹೆಚ್ಚಿಸುವ ಕಾರಣ, ಇದು ನಿಮ್ಮನ್ನು ಖಿನ್ನತೆಯಿಂದ ಹೊರಗೆ ಬರಲು ಸಹಾಯ ಮಾಡುತ್ತದೆ.
- ಗುರುದೇವ ಶ್ರೀ ಶ್ರೀ ರವಿಶಂಕರ್