ಮಹಿಳೆಯರ ಸಬಲೀಕರಣಕ್ಕಾಗಿ ನಾವು ಕೈಗೊಂಡ ಕೆಲವು ಮೂಲಮಟ್ಟದ ಚಾಲನೆಗಳು

ಅವಲೋಕನ

ಸಾಮಾನ್ಯವಾಗಿ ಭಾರತದ ದೇಶದಲ್ಲಿ, ಹೆಣ್ಣು ಮಗುವನ್ನು ಒಂದು ದೊಡ್ಡ ಹೊಣೆಯನ್ನು ಹೊತ್ತುಕೊಂಡಂತೆ, ಭಾರವಾದ ದೃಷ್ಟಿಯಿಂದ ನೋಡಲಾಗುತ್ತದೆ. ಇದುವೇ, ಜನರಿಗೆ ಮುಂದೆ ಹುಟ್ಟುವ ಮಗುವಿನ ಲಿಂಗವನ್ನು ಆಯ್ದುಕೊಂಡು, ಗರ್ಭಪಾತ ಮಾಡಿಸಲು ಮತ್ತು ಈಗಾಗಲೇ ಹುಟ್ಟಿದ ಹುಡುಗಿಯರಿಗೆ ಬಾಲ್ಯ ವಿವಾಹವನ್ನು ಮಾಡಿಸುವಂತಹ ಕೆಟ್ಟ ಕೃತ್ಯಗಳಿಗೆ ಪ್ರೇರಣೆಯನ್ನು ನೀಡುತ್ತದೆ.

ಮದುವೆಯ ನಂತರ ಗೃಹಿಣಿಯ ಪಾತ್ರವನ್ನು ವಹಿಸಿಕೊಳ್ಳಬೇಕು ಎನ್ನುವ ಉದ್ದೇಶದಿಂದ ಹೆಣ್ಣು ಮಗುವಿಗೆ ಶಿಕ್ಷಣ ನೀಡಲು ಕಡಿಮೆ ಆದ್ಯತೆಯನ್ನು ನೀಡಲಾಗುತ್ತದೆ. ಈ ಕಾರಣದಿಂದಲೇ ಆರ್ಥಿಕವಾಗಿ ಕೆಲಸ ಮಾಡಲು ಬಯಸುವ ಮಹಿಳೆಯರು, ವಿವಿಧ ಕೌಶಲ್ಯಗಳಲ್ಲಿ ತರಬೇತಿಯನ್ನು ಪಡೆಯಬೇಕಾದರೆ ಅತ್ಯಂತ ಹೆಚ್ಚಿನ ಸವಾಲುಗಳನ್ನು ಎದುರಿಸಬೇಕಾಗುತ್ತದೆ ಹಾಗೂ ಯಾವುದಾದರೂ ಚಿಕ್ಕಮಟ್ಟದ ವ್ಯಾಪಾರವನ್ನು ಪ್ರಾರಂಭಿಸಬೇಕಾದರೂ, (ಮೈಕ್ರೋಬಿಸಿನೆಸ್‌ಗಾಗಿ) ಹಣವನ್ನು ಪಡೆದುಕೊಳ್ಳುವುದು ಅವರಿಗೆ ಕಷ್ಟವಾಗುತ್ತದೆ.

ಆರ್ಟ್ ಆಫ್ ಲಿವಿಂಗ್ ಸಂಸ್ಥೆಯು ಮಹಿಳೆಯರನ್ನು ಸಬಲೀಕರಣಗೊಳಿಸಲು ಮತ್ತು ಅವರನ್ನು ಸ್ವಾವಲಂಬಿಗಳನ್ನಾಗಿ ಮಾಡಲು ಉತ್ಸಾಹದಿಂದ ಕೆಲವು ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ ಹಾಗೂ ಅವರ ಸಬಲೀಕರಣಕ್ಕಾಗಿ ನಾವು ಬಹುಮುಖೀ ವಿಧಾನಗಳನ್ನು ಬಳಸುತ್ತಿದ್ದೇವೆ.

ನಮ್ಮ ಕಾರ್ಯಕ್ರಮಗಳು ಈ ಕೆಳಗಿನ ಕೆಲವು ಚಟುವಟಿಕೆಗಳನ್ನು ಒಳಗೊಂಡಿವೆ; ಮಹಿಳೆಯರಿಗೆ ಕೌಶಲ್ಯ ತರಬೇತಿಯನ್ನು ನೀಡುವುದು, ಲಿಂಗ ಸಮಾನತೆಯ ಕುರಿತು ಸಮುದಾಯಗಳಿಗೆ ಶಿಕ್ಷಣ ನೀಡುವುದು, ಉತ್ತಮ ಆರೋಗ್ಯ ರಕ್ಷಣೆಗೆಂದು ಮಹಿಳೆಯರಿಗೆ ಪ್ರವೇಶವನ್ನು ಒದಗಿಸಿ ಕೊಡುವುದು ಮತ್ತು ಮಹಿಳೆಯರು ಸಹಯೋಗ ಮತ್ತು ವಿಚಾರಗಳನ್ನು ವಿನಿಮಯ ಮಾಡಿಕೊಳ್ಳುವುದನ್ನು ಬೆಂಬಲಿಸುವುದಕ್ಕಾಗಿ ವೇದಿಕೆಗಳನ್ನು ನಿರ್ಮಿಸುವುದು. ಮತ್ತು ಅಂತಿಮವಾಗಿ, ನಾವು ಒತ್ತಡದಿಂದ ಮುಕ್ತರನ್ನಾಗಿ ಮಾಡುವ ಮತ್ತು ಆತ್ಮ ವಿಶ್ವಾಸವನ್ನು ಹೆಚ್ಚು ಮಾಡುವ ಸಾಧನಗಳೊಂದಿಗೆ ಮಹಿಳೆಯರನ್ನು ಸಜ್ಜುಗೊಳಿಸುತ್ತೇವೆ.