धोरण

आमचे शैक्षणिक प्रकल्प राबवण्यासाठी आम्ही एक सुस्पष्ट धोरण अवलंबतो. हे धोरण किंवा रणनीती काळानुसार विकसित करून अधिक कार्यक्षम बनवली आहे. हे धोरण तीन स्तंभांवर आधारित आहेः

समाजासोबत सक्रिय संवाद ठेवणे : मुलांनी नियमितपणे शाळेत यावे यासाठी आर्ट ऑफ लिव्हिंग सक्रियपणे समाजातील प्रभावशाली लोकापर्यंत पोहोचते. मुलांना शिकवण्यापूर्वीच आम्ही त्यांच्या पालकांना आणि कुटुंबातील इतर सदस्यांना शिक्षणाचे महत्त्व शिकवतो. शाळेतील शिक्षकांची निवड आसपासच्या समाजातूनच केली जाते आणि समाजाशी असलेले नाते मजबूत आहे हे सुनिश्चित करण्यासाठी त्यांना योग्य प्रशिक्षण दिले जाते. यामुळे शाळा सोडण्याचे प्रमाण कमी होते.

मोफत शिक्षण देणेः आमच्या शाळांमधील बहुसंख्य विद्यार्थी कुटुंबातून पहिल्यांदाच शिक्षण घेणार्‍या पिढीतील आहेत ज्यांची पार्श्वभूमी अत्यंत हलाखीची असते. मुलांना शाळेपासून दूर ठेवणाऱ्या सामाजिक, आर्थिक आणि सांस्कृतिक अडथळ्यांना तोंड देताना आर्ट ऑफ लिव्हिंग दुर्बल घटकांमधील मुलांना मोफत आणि मूल्याधारित शिक्षण प्रदान करते.

मूल्याधारित शिक्षणः आर्ट ऑफ लिव्हिंग शाळांमध्ये मुलांचे सर्वांगीण संगोपन होते. औपचारिक शिक्षणासोबतच मुलांमध्ये आत्मविश्वास, नेतृत्व गुण आणि परस्पर संवाद कौशल्य असे विविध जीवन कौशल्य बळकट करणे तसेच भक्कम मानवी मूल्ये आणि ध्यान प्रक्रियांद्वारे आध्यात्मिक उन्नती साधणे हे आमच्या शैक्षणिक धोरणाचे एक प्रमुख उद्दीष्ट आहे. याचा परिणाम म्हणून, कौटुंबिक मूल्ये बळकट होतात आणि प्रगतीशील दृष्टीकोनामुळे सामाजिक आणि सांस्कृतिक अडथळे कमी होतात.