आपल्या काळातील सर्वात मोठ्या संकटाशी लढा

आढावा

आपली नैसर्गिक संसाधने मोठ्या प्रमाणावर प्रदूषित होत आहेत. आपल्याला पिण्याचे शुद्ध पाणी रसायन मुक्त उत्पादने व स्वच्छ हवा देखील मिळत नाही.  पर्यावरणाचा ऱ्हास केवळ आपल्यासाठीच नाही तर अर्थव्यवस्थेसाठी देखील चांगला नाही.  एका अंदाजानुसार पर्यावरणाच्या ऱ्हासामुळे भारताला दरवर्षी १८ अब्ज डॉलर्स चा खर्च येतो जो सकल देशांतर्गत उत्पादनाच्या अंदाजे ६% आहे. 

आम्हाला ही परिस्थिती बदलायची आहे गुरुदेव श्री श्री रविशंकर यांच्या दूरदृष्टीने प्रेरित होऊन जगभरातील स्वयंसेवकांनी  पर्यावरणाच्या गंभीर समस्यांवर मात करण्यासाठी अनेक प्रकल्प सुरू केले आहेत. या प्रकल्पांमध्ये  मिशन ग्रीन अर्थ अंतर्गत मोठ्या प्रमाणावर  वृक्षारोपण, सुकलेल्या नद्यांचे  पुनरुज्जीवन, प्रदूषित नद्यांची स्वच्छता, मंदिरातील कचऱ्याचे व्यवस्थापन  व मातीची गुणवत्ता टिकवून ठेवणारी नैसर्गिक शेती चा समावेश आहे. आपले प्रकल्प मुख्यतः नैसर्गिक संसाधनांचे संरक्षण व या प्रक्रियेत स्थानिक लोकांचे जीवनमान सुरक्षित करण्या भोवती फिरतात.

आपल्या देशात येऊ घातलेल्या जल संकटाचा सामना करण्यासाठी ७० नद्या आणि उपनद्यांचे पुनरुज्जीवन केले जात आहे.