जेव्हा जेव्हा तुम्हाला वेदना होतात तेव्हा समजून घ्या की तुम्ही ज्ञानापासून दूर गेला आहात.
~ गुरुदेव श्री श्री रवि शंकर
होय, हे आपल्यापैकी बहुतेकांसाठी खरे आहे आणि ते केवळ मानसिक त्रासापुरते मर्यादित नाही. पाठदुखीकडे दुर्लक्ष करणाऱ्या किंवा आराम मिळवण्याचा योग्य मार्ग माहित नसलेल्या लोकांमध्ये तो त्रास वाढल्याचे दिसून आले आहे. पाठदुखी ही आज सर्वसामान्य चिंतेपैकी एक आहे आणि दुर्दैवाने वृद्धांपेक्षा अधिक तरुण लोक या दुष्ट स्थितीने ग्रासले आहेत. जास्त वेळ बसू न शकणे, पाठीचा कणा वाकडा होणे, स्नायूंना उबळ येणे, जड वस्तू उचलता न येणे, सायटिका इत्यादी पाठदुखीशी संबंधित काही समस्या आहेत. जेव्हा वेदना दीर्घकाळ (३ महिन्यांपेक्षा जास्त) राहते किंवा शरीराच्या इतर भागांमध्ये जाते तेव्हा तीव्र पाठदुखीचा त्रास दिसून येतो. या लेखात, आम्ही तुम्हाला पाठदुखीच्या तीव्र लक्षणांचा मागोवा घेण्यात मदत करू आणि आरामाचे उपाय सुचवू.
तीव्र पाठदुखीची लक्षणे आणि कशाची मदत होऊ शकते
- वाकलेली शारीरिक स्थिती
जेव्हा तुमच्या लक्षात येते की तुम्ही बहुतेक वेळा उभे किंवा सरळ बसलेले नसाल, तेव्हा ते पाठदुखीच्या तीव्र लक्षणांपैकी एक असू शकते. लवकरच किंवा नंतर, तुम्हाला वेदना जाणवू लागतील. म्हणून, योग्य शरिर स्थितीत राखणे महत्वाचे आहे. तुम्ही तुमच्या शरीराच्या स्थितीची आठवण करून देण्यासाठी नियमित अंतराने घड्याळाचा गजर लावू शकता. ध्यान केल्याने आपली जागरुकता देखील वाढते, ज्यामुळे आपल्याला प्रत्येक क्षणी, आपले विचार, भावना आणि शरीराची स्थिती व्यवस्थित ठेवायला जागरूक राहण्यासाठी मदत होते.
“ध्यान बरे करू शकते. जेव्हा मन शांत, सतर्क आणि पूर्णपणे समाधानी असते, तेव्हा ते लेझर किरणांसारखे असते- ते खूप शक्तिशाली असते आणि बरे करू शकते. “
~ गुरुदेव श्री श्री रवि शंकर
- कंबर आणि अंगामधे मध्ये घट्टपणा आणि उबळ
पाठीच्या खालच्या भागापासून मांड्यांपर्यंतच्या वेदनांची हालचाल किंवा पाठीत घट्टपणा किंवा स्नायूंमध्ये उबळ येणे हे देखील जुनाट पाठदुखी सूचित करते. तुम्ही एखाद्या वैद्यकीय व्यावसायिकाचा सल्ला घ्यावा , जो तुम्हाला फिजिओथेरपीमध्ये मार्गदर्शन करू शकेल. भुजंगासन, मार्जरासन-गाय आसन, सेतुबंधासन इत्यादी काही योगासने, पाठीचा कणा सरळ करताना तुमच्या पाठीच्या स्नायूंना लवचिकता देतात. दुखण्याच्या तीव्रतेनुसार स्नायूंच्या उबळांसाठी, शेक देणे किंवा विश्रांती देणारे उपचार देखील प्रभावी आढळले आहेत.
- स्थलांतरित वेदना
जेव्हा तुम्हाला अयोग्य खुर्चीवर दीर्घकाळ बसावे लागते तेव्हा तीव्र पाठदुखी आणि तुमचे काम यांचा जवळचा संबंध असतो. पाठीच्या खालच्या भागातून सुरू होणारी आणि मांड्या किंवा पाठीच्या वरच्या बाजूला सरकणारी वेदना, जुनाट पाठदुखीचे लक्षण देखील असू शकते. एकाच स्थितीत न राहिल्यास हलणाऱ्या वेदना कमी होण्यास मदत होऊ शकते. याव्यतिरिक्त, हलक्या वजनाच्या पिशव्या वापरणे आणि योग्य शरीराचे वजन राखणे यामुळे तीव्र पाठदुखीपासून काही प्रमाणात आराम मिळू शकतो.
- जननेंद्रिय/गुप्तांग आणि नितंबांभोवती सुन्नपणा
लक्षणांकडे लक्ष न दिल्यामुळे बरेच लोक वेदना सहन करत राहतात असे दिसून येते. तथापि, वेदना अधिक गंभीर होण्याआधी प्रत्येक लक्षणांची नोंद घेणे आणि त्यास बरे करणे हे दीर्घकालीन उपचारांचा भाग आहे. तीव्र पाठदुखीमुळे कधीकधी गुप्तांग, नितंब किंवा पाय यांच्याभोवती सुन्नपणा जाणवतो. सक्रिय राहणे आणि निरोगी खाणे पाठदुखीचे व्यवस्थापन करण्यात खूप मदत करू शकते. तुम्हाला हे देखील माहित असणे आवश्यक आहे की मानसिक ताण हा तीव्र पाठदुखीचा एक प्रमुख घटक आहे आणि त्याचा उपाय म्हणजे तणाव आणि चिंता कमी करणे.
“तणावमुक्त व्हा; तुमचे शरीर, मन आणि आत्मा तणावमुक्त ठेवा. हे एकवेळचे काम नाही, हे असे काहीतरी आहे जे पुन्हा पुन्हा करावे लागेल, हे दररोज तुमचे दात स्वच्छ ठेवणे, दातांची स्वच्छता राखण्यासारखे आहे.”
~ गुरुदेव श्री श्री रवि शंकर
- श्वासोच्छवासाच्या समस्या
काहीवेळा, मेरुदंडाचा वाक (स्कोलियोसिस) सारख्या गंभीर पाठीच्या समस्या, पाठीच्या स्नायूला खेचू शकतात ज्याचा परिणाम अपुरा श्वास घेणे किंवा वेदनादायक श्वास घेण्यात होऊ शकतो. उपचार आणि सतत निरीक्षण येथे महत्वाचे आहे. जास्त शारीरिक व्यायाम किंवा जास्त वजन उचलल्याने पाठीला दुखापत होऊ शकते आणि परिणामी श्वास घेण्यास त्रास होऊ शकतो. वजन उचलताना नेहमी योग्य युक्ति वापरा (जसे की पाठीवर भार येण्याच्याऐवजी तुमच्या पायावर वजनाचा दबाव येईल), तुमच्या मुख्य शरीरावर लक्ष द्या ज्यामुळे तुमचा मणका ताठ राहण्यास मदत होईल आणि आळसावलेली जीवनशैली टाळता येईल. प्राणायाम आणि इतर श्वासोच्छवासाचे व्यायाम केल्याने तुम्हाला तणाव आणि श्वासोच्छवासाच्या समस्यांपासून आराम मिळू शकतो, ज्यामुळे तुमची पाठदुखी कमी होते.
- वजन कमी होणे
जर तुमचे वजन सतत कमी होत असेल तर ते पाठदुखीचा परिणाम असू शकतो. संधिवात ज्यामुळे तीव्र पाठदुखी होते जेव्हा तुमची रोगप्रतिकारक शक्ती तुमच्या सांध्यावर हल्ला करते ज्यामुळे जळजळ होते ज्यामुळे वजन कमी होऊ शकते. तुम्ही काय खाता ते पाहणे आणि तुमच्या आहारात पुरेशा प्रमाणात भाज्या, प्रथिने आणि जीवनसत्त्वे घेणे महत्त्वाचे आहे. याव्यतिरिक्त, कार्डिओ, स्ट्रेंथ ट्रेनिंग आणि स्ट्रेचिंग केल्याने तुम्हाला तीव्र पाठदुखीपासून आराम मिळू शकतो.
निष्कर्ष
पाठदुखी सर्वसामान्यपणे आढळणारी असली तरी ती दररोज छोट्या छोट्या गोष्टी करत आणि त्यात सातत्य ठेवून टाळता येऊ शकते. जोपर्यंत तुम्ही लक्षणांकडे दुर्लक्ष करत नाही, तोपर्यंत औषधोपचार, फिजिओथेरपी, योगासने, पाठदुखीचे व्यायाम, स्नायू शिथिल करणारे इ.पाठदुखीच्या तीव्र स्वरूपच्या पाठदुखीत मदत करू शकतात. आपण अद्याप आपल्या जीवनशैलीवर पुनर्विचार केला नसेल तर विचार करण्याची वेळ आली आहे!
आमच्या योग कार्यक्रमात सामील व्हा आणि पाठदुखी, स्नायू उबळ आणि इतर सांधेदुखीच्या समस्यांपासून आराम कसा मिळवावा याची उत्तरे शोधा.
