प्रोजेक्ट पवित्रा

धोरण

संशोधन आणि सल्लामसलत करुन, तसेच आमच्या योग आणि आयुर्वेद तज्ज्ञांच्या मार्गदर्शनानुसार सलग तीन दिवसांच्या  (दररोज ९० मिनिटे) प्रशिक्षण वर्गाची रचना केली आहे. या प्रशिक्षणामध्ये ११ ते ४५ वयोगटातील मुली व  स्त्रियांच्या मासिक पाळीच्या दिवसांतील  स्वास्थासंबंधी प्रश्न हाताळले जातात.

प्रशिक्षण वर्गामध्ये मुलींना मासिक पाळीमध्ये निर्माण होणाऱ्या  शारीरिक आणि मानसिक तणावांचे व्यवस्थापन करण्यासाठी पुढील गोष्टी शिकवल्या जातात:

• प्राणायाम हे मासिक पाळी येण्यापूर्वी निर्माण होणारा ताण कमी करण्यासाठी (वाढणारी चिडचिड, पोटात गोळा येणे आणि वेदना).
• मासिक पाळीपूर्वी होणारे त्रास, कमी किंवा जास्त रक्तस्त्राव होत असेल तर त्यासाठी योगासने
• मासिक पाळीत आरोग्य चांगले रहावे आणि कमी झालेली पोषक तत्वे भरुन यावीत यासाठी योग्य आहार (रक्तक्षय आणि थकवा टाळण्यासाठी त्या त्या भागातील उपलब्ध अन्नाचा वापर करणे)
• मुलींना या नैसर्गिक घटनेशी संबंधित मिथक आणि अंधश्रद्धा खेळकरपणे दूर करण्यात मदत करण्यासाठी खेळ आणि नाटूकल्या.
• स्थानिक संसाधनांचा वापर करून मासिक पाळीदरम्यान पुरेशी स्वच्छता राखणे.

या सर्वसमावेशक कार्यक्रमात मासिक पाळीसंबंधी संपूर्ण माहिती, स्वच्छता, उपलब्ध उत्पादने, त्यांची विल्हेवाट, उपचार याबद्दल संपूर्ण माहिती मिळते. त्यामुळे मुली आणि महिला कार्यक्षम बनून त्यांच्यात आत्मविश्वास निर्माण होतो, त्यामुळे त्या जाचक अशा सामाजिक व सांस्कृतिक बंधनांना यशस्वीपणे सामोऱ्या जाऊ शकतात.