Што е јога?

Што е Јога? Може ли секој да вежба јога? Да, секој може да вежба јога. Дали знаете дека сте правеле едноставни јога вежби, кога сте биле бебе? Јогата не е акробатика – тоа е сеопфатен пристап за обединување на телото, умот и духот.

Јога и јога позите се корисни бидејќи му даваат хармонична рамнотежа на вашиот систем. А целосна благосостојба не е само здраво тело, туку и здрав ум и дух. Јогата работи на сите овие аспекти.

Програмите на Уметност на живеење целат кон природно подмладување на поединецот, преку балансирање на телото, умот и духот. Во фокусот на Шри Шри Јогата е ‘рамнотежата’.

Сите заболувања и болести се јавуваат како резултат на нерамнотежа во телото. Заболувањето е начин на телото да предизвика внимание за ‘поголема грижа’.  Јога и  јога позите  обезбедуваат едноставни и практични решенија за секојдневните проблеми што не опкружуваат.

Физички, јога позите ја подобруваат еластичноста на мускулите и зглобовите. Исто така ги масираат внатрешните органи и ја подобруваат нивната функционалност. Јогата, на природен и едноставен начин лекува хронични болести и го подобрува имунитетот на телото.

Медитацијата е една од главните аспекти на јогата. Од суштинско значење е да се медитира по практикување на јога и пранајaми. Со медитација  се навлегува подлабоко во Сепството.

На исклучителен суптилен и ненапорен начин, јогата и јога позите ве прават повеќе задоволни и среќни. Целото тело се чуствува поздраво и со повеќе енергија. Помалку сте склони кон болести и последици од секојдневниот стрес. Кога јога позите се координирани со дишењето, вежбањето станува ненапорно.