«Ապրելու Արվեստ» հիմնադրամը բազմակողմանի մոտեցում է որդեգրել բնական աղետից տուժածների վիճակը թեթևացնելու համար: Կամավորների լայն ցանցի շնորհիվ կազմակերպությունը կարողանում է շատ արագ արձագանքել աշխարհի տարբեր վայրերում վրա հասած աղետներին:
«Մինչև տրավման չբուժվի, սնունդն ու դեղերը չեն աշխատի: Մարդիկ ի վիճակի չեն ուտելու կամ քնելու, որովհետև նրանց միտքը լցված է իրենց գլխին պատուհասած սարսափելի ողբերգությամբ: Ապաքինող հպումը, աջակցությունը և կյանքը շարունակելու տեսլականն օգնում են մարդկանց նորից ոտքի կանգնել»:
~ Շրի Շրի Ռավի Շանկար
Չնայած ճգնաժամի պահերին սննդամթերք, դեղորայք և այլ նյութական օգնություն հասցնելն առաջնահերթություն է, սակայն «Ապրելու Արվեստը» գիտակցում է, որ ամբողջական վերականգնումը հնարավոր է միայն այն դեպքում, երբ տրավմայի հետ աշխատում ես էմոցիոնալ մակարդակում:
«Ապրելու Արվեստի»՝ բնական աղետներից տուժածներին օգնություն ցույց տալու մոտեցումը եռաճյուղ է
- Հրատապ - սա ներառում է նյութական օգնություն, անհրաժեշտ սննդամթերքի, հագուստի, դեղորայքի ու ժամանակավոր կացարանների տրամադրում: Այս գործում սովորաբար մեծ ջանքեր են ներդնում բժիշկները, հոգեբանները և ֆիզիկական օգնության աշխատողները:
- Կարճաժամկետ - տրավմայի մեղմացման ծրագրեր, որոնք տուժածներին օգնում են հաղթահարելու էմոցիոնալ սթրեսը: Սրանք շնչառական տեխնիկաներ են, որոնք հանգստացնում են միտքը, բարելավում են քունը և նվազեցնում են դեպրեսիայի մակարդակը:
- Միջնաժամկետ և երկարաժամկետ - երբ մարդիկ կենսակայուն ապագա ունեն, աղետի հետևանքներն իրապես հաղթահարված կարելի է համարել: Կամավորներն աշխատում են տեղական համայնքների հետ, կառուցում են տներ, սանհանգույցներ, ճանապարհներ, դպրոցներ, տեխնիկական ուսուցման կենտրոններ և այլ անհրաժեշտ ենթակառույցներ:
- Ցունամի Հնդկական օվկիանոսում (2004)
2004 թվականի դեկտեմբերի 26-ին Հյուսիսային Սումատրայի արևմտյան ափին տեղի ունեցավ Ռիխտերի սանդղակով 9.0 բալ հզորությամբ երկրաշարժ: Այն ցունամիի մի քանի ալիք առաջացրեց, որը տարածվեց ամբողջ Հնդկական օվկիանոսով՝ Ինդոնեզիայից մինչև Աֆրիկայի արևելյան ափերը՝ 14 երկրներում դառնալով 230,000 մարդու մահվան պատճառ: Սա պատմությանը հայտնի ամենասարսափելի բնական աղետներից մեկն էր:
Հրատապ
- Աղետից հետո ժամերի ընթացքում 500-ից ավելի կամավոր գործի անցավ՝ Հնդկաստանից սնունդ, հագուստ, դեղորայք և այլ անհրաժեշտ պարագաներ հասցնելով տուժածներին:
- 250 տոննա օգնության պարագաներ և 100,000 լիտր խմելու ջուր ուղարկվեց Շրի Լանկա:
- Կազմակերպվեցին բժշկական ճամբարներ՝ աղետի հետևանքով առաջացած հիվանդությունները բուժելու համար:
Կարճաժամկետ
- Հնդկաստանի հարավում 50,000-ից ավելի մարդու համար տրավմայի թեթևացմանն ուղղված ծրագրեր անցկացվեցին:
- «Ապրելու Արվեստը» ճանաչվեց որպես տրավմայի թեթևացմանն ուղղված ծրագրեր իրակացնող պաշտոնական կազմակերպություն:
- Շրի Լանկայում անցկացվեցին տրավմայի թեթևացման և հոգեբանական խորհրդատվության ծրագրեր, որոնք օգնեցին 20 քաղաքում բնակվող 25,000-ից ավելի մարդու:
Միջնաժամկետ և երկարաժամկետ
- Հիմնադրվեցին միջին մանագիտական կրթության կենտրոններ՝ այլընտրանքային կենսապահովման միջոցներ հոգալու հմտություններ սովորեցնելու համար:
- Թամիլ Նադու նահանգի բնակավայրերից մեկում հիմնադրվեց նախադպրոցական և դպրոցական հաստատություն, որը 10-ամյա կրթություն է տրամադրում և որտեղ սովորում է 600 աշակերտ:
- Շրի Լանկայում հիմնադրվեց մեկ մանկատուն-դպրոց:
- Վերակառուցվեց 104 տուն: Աշխատանքներին մասնակցեցին նաև տեղի բնակիչները, ինչը կարևոր էր նրանց ինքնագնահատականի վերականգնման համար:
«Ապրելու Արվեստը» նման աշխատանքներ է տարել նաև աղետից տուժած այլ վայրերում
- Սիչուանի երկրաշարժ (2008 թ. մայիս)
- Կաշմիր-Պակիստանի երկրաշարժ (2005 թ. հոկտեմբեր)
- Գուջարատի երկրաշարժ, Հնդկաստան (2001 թ. հունվար)
- Բիհար, Հնդկաստան (2008 թ. սեպտեմբեր)
- Մումբայ, Հնդկաստան (2005 թ. հուլիս)
- Ջրհեղեղ Հնդկաստանի արևելյալ շրջաններում (2008)
- Սուրատի ջրհեղեղներ, Հնդկաստան (2006 թ. օգոստոս)
- Կատարինա փոթորիկ, ԱՄՆ (2005 թ. օգոստոս)
- Ցունամի (2004 թ. դեկտեմբեր)
- Բամի երկրաշարժ, Իրան (2003 թ. դեկտեմբեր)
- Ջակարտայի ջրհեղեղներ (2002 թ. հունվար և 2007 թ. փետրվար)
- Էլբա գետի վարարում, Գերմանիա (2002 թ. օգոստոս)
- Օրիսա ցիկլոն, Հնդկաստան (1999 թ. հոկտեմբեր)
