झोपेप्रमाणे उत्साहवर्धक – योगनिद्रा घ्या आणि स्वतःला संपूर्णपणे शिथिल करा (Yoga nidra in Marathi)

१. शवासन या आसना मध्ये पाठीवर सरळ झोपा.डोळे बंद करा आणि शिथिल व्हा. थोडे खोल श्वास आत घ्या आणि सोडून द्या. हळू, खोल आणि आरामशीर श्वास घ्यायचे..उज्जयी श्वास घायचे नाहीत हे लक्षात ठेवा.

टीप : जर तुम्हाला कोणताही त्रास होत असेल किंवा पाठीच्या खालच्या भागात वेदना, होत असतील तर तुमचे आसन जरा बरोबर करून घ्या किंवा आसन जास्त आरामदायी होण्यासाठी पायाखाली उशी घेऊन जरा पायांना थोडे वर ठेवा.

२.हळुवारपणे आपले लक्ष आपल्या उजव्या पावलाकडे घेऊन जाण्याने सुरुवात करा. आपल्या पावलाला शिथिल करता करता आपले लक्ष तिथेच काही सेकंद राहू द्या. नंतर आपले लक्ष हळुवारपणे वरच्या दिशेने नेत उजव्या गुडघ्यावर आणा, मग उजवी मांडी आणि उजवे नितंब (पुन्हा काही सेकंद लक्ष तेथेच राहू द्या). आपल्या संपूर्ण उजव्या पायाला जागृतपणे अनुभवा. हीच प्रक्रिया डाव्या पायाबरोबर करा.

३.अशाच प्रकारे आपले लक्ष आपल्या शरीराच्या सर्व भागाकडे न्या: लिंग, उदर, नाभीचा भाग, छाती, उजवा खांदा आणि उजवा हात, त्याच्यानंतर डावा खांदा आणि डावा हात, गळा, चेहरा, डोके आणि डोक्याच्या वर.

४. एक खोल श्वास घ्या आणि शरीरातील संवेदनांबाबत जागृत व्हा आणि या अवस्थेत काही मिनिटे आराम करा.

५. आता आपले शरीर आणि आसपासचा परिसर याबाबत जागृत व्हा, आपल्या उजव्या कुशीवर वळा आणि काही मिनिटे तसेच पडून रहा.

६. तुम्हाला हवा असेल  तेवढा वेळ घ्या, सावकाशपणे उठून बसू शकता, आणि जेंव्हा उघडावेसे वाटतील तेव्हा हळुवारपणे आणि सावकाश आपले डोळे उघडा.

त्वरित योगिक शिथिलता येण्याकरिता सूक्ष्म योगाचासुद्धा सराव करतात.

योगनिद्रा ही अशाप्रकारे एक आनंददायक, विनासायास पद्धत आहे तुमचा योगाचा सराव समाप्त करण्याची. मुक्त व्हा, शिथिल व्हा आणि येणाऱ्या अनुभवाची मजा लुटा.

(ज्येष्ठ योग शिक्षक दिनेश काशीकर आणि श्रीराम सर्वोथम यांच्या माहितीवर आधारित)