എല്ലാ ദിവസവും പുലർച്ചെ 4:30 ന് എന്റെ മുത്തച്ഛൻ തന്റെ പ്രിയപ്പെട്ട ദേവന്മാരെ ബലിപീഠത്തിൽ തന്റെപവിത്രമായ മന്ത്രങ്ങൾ ഉരുവിട്ടു ഉണർത്തുന്ന തിരക്കിലാണ്.അതിനുശേഷം അദ്ദേഹം ധ്യാനിക്കുകയും പിന്നീട് ഒരു നീണ്ട നടത്തത്തിനായി പോവുകയും ചെയ്യുന്നു . “ഓ, എന്തൊരു മനോഹരമായ പ്രഭാതം,” വീട്ടിൽ തിരിച്ചെത്തിയ ശേഷം അദ്ദേഹം എല്ലാ ദിവസവും ഉദ്‌ഘോഷിക്കുന്നു.
എന്റെ മുത്തച്ഛന് എല്ലായ്പ്പോഴും അതിരാവിലെയുമായി ഒരു ഉറ്റബന്ധമുണ്ട്, പ്രത്യേകിച്ചും സൂര്യോദയത്തിന് ഒന്നര മണിക്കൂർ മുമ്പ് ബ്രഹ്മമുഹൂർത്തത്തിൽ . ശൈത്യകാലത്തെ തണുപ്പിനെ അവഗണിച്ച് അതിരാവിലെ തൻ്റെ പതിവ് പിന്തുടരുന്നതായി കാണാം .ഈ പതിവ് ദിനചര്യ തൻ്റെ ആരോഗ്യപരിപാലനത്തിൽ വളരെയധികം പങ്കുവഹിച്ചിട്ടുണ്ടെന്ന് അദ്ദേഹം കരുതുന്നു (എൺപതുകളിൽ ആയിരുന്നിട്ടും,അദ്ദേഹത്തിന് നീണ്ടു നിവർന്നു നിൽക്കാനും ഇരിക്കാനും കഴിയുന്നു .മാത്രമല്ല രോഗങ്ങളൊന്നും തന്നെ ഇല്ല) പഴയകാല വിദഗ്ദ്ധരായ വൈദ്യന്മാർ അദ്ദേഹത്തോട് യോജിക്കുന്നതായി തോന്നുന്നു. ബ്രഹ്മ മുഹൂർത്തത്തിൽ ഉണരുന്നത് ഒരാളുടെ ആയുസ്സ് വർദ്ധിപ്പിക്കുകയും രോഗങ്ങൾ ഒഴിവാക്കാൻ സഹായിക്കുകയും ചെയ്യുന്നു എന്ന് ആയുർവേദത്തെക്കുറിച്ചുള്ള ഒരു ഗ്രന്ഥമായ അഷ്ടാംഗ ഹൃദയത്തിൽ കാണുന്നു.
ബ്രഹ്മ മുഹൂർത്തത്തിൽ ചെയ്യേണ്ട കാര്യങ്ങൾ
രോഗരഹിതമായ ശരീരവും, വർദ്ധിച്ച ആയുസ്സും ആകർഷകമായ അനുഗ്രഹമാണ് . എന്നിരുന്നാലും, എന്റെ മുത്തച്ഛന്റെ അതിരാവിലെയോടുള്ള ഉള്ള സ്നേഹം വളരെ ആഴത്തിലുള്ള ഒന്നാണ്. സ്വന്തം വാക്കുകളിൽ പറഞ്ഞാൽ, അത് അദ്ദേഹത്തിന്റെ ‘സ്വന്തം’ സമയമാണ്. അദ്ദേഹം അത് എനിക്ക് വിശദീകരിച്ചു തന്നു . രാവിലെ മുതൽ രാത്രി വരെ, നമ്മൾ ലോകത്തിന്റെ ആവശ്യങ്ങൾ നിറവേറ്റുകയാണെന്ന് അദ്ദേഹം പറഞ്ഞു. ഉദ്യോഗപരമായതോ , കുടുംബപരമായതോ ആയ ഉത്തരവാദിത്തങ്ങൾ നിറവേറ്റുന്നതിനാണ് ഒരു മനുഷ്യൻ തന്റെ ഒരു ദിവസം ചെലവഴിക്കുന്നത്. രാത്രിയിൽ തനിക്കായി കുറച്ച് സമയം അവശേഷിക്കുന്നു. എന്നാൽ ആ,സമയത്തു് നിങ്ങൾക്ക്ജ് ഊർജം വളരെ കുറവായിരിക്കും . നിങ്ങൾ ഉന്മേഷവാനും ബോധമുള്ളവനും എളുപ്പത്തിൽ നിങ്ങളുടെ അന്തരംഗമായി ബന്ധ പെടുവാൻ കഴിയുന്നതുമായ ഒരേയൊരു സമയം ബ്രഹ്മ മുഹൂർത്തമാണ്, ഇത് നിങ്ങൾക്കുമാത്രം അവകാശപ്പെട്ട ഒരു പ്രത്യേക സമയമാണ് .
ബ്രഹ്മ മുഹൂർത്തത്തിൽ ൽ ഉണരുമ്പോൾ കിട്ടുന്ന നേട്ടങ്ങൾ
ഇന്റർനാഷണൽ ജേണൽ ഓഫ് യോഗ ആന്റ് അലൈഡ് സയൻസസ് പറയുന്നതനുസരിച്ച്, പ്രഭാതത്തിനു മുമ്പുള്ള സമയത്തു് അന്തരീക്ഷത്തിൽ ഓക്സിജന്റെ ലഭ്യതയുണ്ട്. ഈ പുതിയ ഓക്സിജൻ ഹീമോഗ്ലോബിനുമായി എളുപ്പത്തിൽ കൂടിച്ചേർന്ന് ഓക്സിഹെമോഗ്ലോബിൻ രൂപപ്പെടുന്നു, ഇതിന് ഇനിപ്പറയുന്ന ഗുണങ്ങളുണ്ട്:
രോഗപ്രതിരോധ ശേഷി വർദ്ധിപ്പിക്കുന്നു
ഊർജ നില വർദ്ധിപ്പിക്കുന്നു
രക്തത്തിന്റെ പിഎച്ച് ബാലൻസ് നിലനിർത്താൻ സഹായിക്കുന്നു
വേദന,മരവിപ്പ് വ്രണം എന്നിവ ഒഴിവാക്കുന്നു
ധാതുക്കളുടെയും വിറ്റാമിനുകളുടെയും ആഗിരണം മെച്ചപ്പെടുത്തുന്നു
ഈ ‘ഞാൻ ’ സമയത്ത് ചെയ്യേണ്ട കാര്യങ്ങൾ
ബ്രഹ്മാ മുഹൂർത്തത്തിൽ ചെയ്യുന്ന ചില പ്രവർത്തനങ്ങൾ നമ്മെ നമ്മുടെ അന്തരംഗവുമായി ബന്ധിപ്പിക്കുവാനായി സഹായിക്കുമെന്ന് നമ്മുടെ പൂർവ്വികർ കണ്ടെത്തി. വ്യക്തിപരവും ലൗകികമായ മേഖലകളിൽ ഉന്നമനത്തിനായി ഈ പ്രവർത്തനങ്ങൾ സഹായിക്കുന്നു. പുരാതന ഗ്രന്ഥങ്ങളായ ധർമ്മശാസ്ത്രങ്ങൾ, ധർമ്മത്തെക്കുറിച്ചുള്ള ഹിന്ദു ഗ്രന്ഥം, അഷ്ടാംഗ ഹൃദയ എന്നിവ ഇനിപ്പറയുന്നവ ശുപാർശ ചെയ്യുന്നു:
1. ധ്യാനിക്കുക
സ്വയം കണ്ടുമുട്ടാനുള്ള ഏറ്റവും നല്ല മാർഗ്ഗം ധ്യാനമാണ്. ലോകത്തിന്റെ ബാക്കി ഭാഗങ്ങൾ ഉറങ്ങുമ്പോൾ ധ്യാനിക്കാൻ ഇതിലും നല്ല സമയം ഏതാണ്? ഈ സമയത്താണ് നിങ്ങളുടെ അവബോധ നില ഏറ്റവും മികച്ചത്. ഏറ്റവും മികച്ച ബ്രഹ്മ മുഹൂർത്ത ധ്യാനങ്ങളിലൊന്നാണ് സഹജ് സമാധി ധ്യാനം.
2. അറിവ് വായിക്കുക അല്ലെങ്കിൽ കേൾക്കുക
ആത്മീയ പരിജ്ഞാനവും ജ്ഞാനവും ഗ്രഹിക്കാൻ ഏറ്റവും അനുയോജ്യമായ സമയമാണ് ബ്രഹ്മ മുഹൂർത്തമെന്ന് അഷ്ടാംഗ ഹൃദയ പറയുന്നു. പുരാതന തിരുവെഴുത്തുകൾ പര്യവേക്ഷണം ചെയ്യുക അല്ലെങ്കിൽ ജ്ഞാനത്തിന്റെ ലളിതമായ സിദ്ധാന്തങ്ങൾ വീണ്ടും കണ്ടെത്തുക. ബ്രഹ്മ മുഹൂർത്ത വേളയിൽ തിരുവെഴുത്തുകൾ പഠിക്കുന്നതും മാനസിക പ്രശ്‌നങ്ങൾ പരിഹരിക്കാൻ സഹായിക്കുന്നുവെന്ന് ധർമ്മശാസ്ത്രം പറയുന്നു.
3. പദ്ധതി
ബ്രഹ്മ മുഹൂർത്ത നിങ്ങൾക്ക് നൽകുന്ന അവബോധവും ഉന്മേഷവും നിങ്ങളുടെ ജീവിതത്തിലെ പ്രധാനപ്പെട്ട കാര്യങ്ങൾ ആസൂത്രണം ചെയ്യുന്നതിനുള്ള മികച്ച സമയമാക്കി മാറ്റുന്നു: ജോലിയോ ധനകാര്യമോ അല്ലെങ്കിൽ നിങ്ങളുടെ ഒരു ദിവസമോ എന്തോ ആയിക്കൊള്ളട്ടെ
4. ആത്മപരിശോധന
കഴിഞ്ഞ ദിവസത്തെ നിങ്ങളുടെ പ്രവർത്തനങ്ങൾ ഓർമ്മിക്കുക. അസൂയ, കോപം, അത്യാഗ്രഹം തുടങ്ങിയ നിഷേധാത്മകമായ വികാരങ്ങൾക്ക് നിങ്ങൾ എത്ര തവണഅടിമപ്പെട്ടു എന്ന് ഓർക്കുക. ഈ ഓർമ്മകളൊന്നും നിങ്ങളെ കുറ്റബോധത്തിൽ മുക്കിക്കളയരുത്. ആ നിമിഷങ്ങളെക്കുറിച്ച് ബോധവാന്മാരാകുക. ഇത് ദിവസവും ചെയ്യുന്നത് ഈ വികാരങ്ങൾക്ക് വഴങ്ങാനുള്ള നിങ്ങളുടെ പ്രവണതയെ കുറയ്ക്കും. എല്ലാ ദിവസവും ഇത് ചെയ്യുന്നത് ഈ വികാരങ്ങൾക്ക് വഴങ്ങാനുള്ള നിങ്ങളുടെ പ്രവണത കുറയ്ക്കുകയും ക്രമേണ അയോഗ്യമായ കർമ്മങ്ങൾ കുറയ്ക്കുകയും ചെയ്യും.
5. നിങ്ങളുടെ മാതാപിതാക്കളെയും ഗുരുവിനെയും ദൈവത്തെയും ഓർക്കുക
നമ്മുടെ ജീവിതത്തിലെ ഏറ്റവും പ്രധാനപ്പെട്ട ആളുകളെ ഓർമ്മിക്കാൻ നമുക്ക് പലപ്പോഴും
സമയം ലഭിക്കുന്നില്ല. ഈ സമയത്തു് നിങ്ങളുടെ മാതാപിതാക്കളെയും ഗുരുവിനെയും,ഈ സൃഷ്ടിയെ പ്രവർത്തിപ്പിക്കുന്നുവെന്ന് നിങ്ങൾ വിശ്വസിക്കുന്ന ഊർജ്ജം, (അതിനെ ദൈവം അല്ലെങ്കിൽ സാർവത്രിക ഊർജം എന്ന് വിളിക്കാം) ഓർമ്മിക്കാനും മാനസികമായി നമസ്‌കരിക്കാനും ഋഷി ശൗനക് നിർദ്ദേശിക്കുന്നു, .
ബ്രഹ്മ മുഹൂർത്തത്തിൽ ചെയ്യരുതാത്ത കാര്യങ്ങൾ
ധർമ്മശാസ്ത്രവും ചില കാര്യങ്ങൾ ചെയ്യരുതെന്ന് ശുപാർശ ചെയ്യുന്നു:
കഴിക്കരുത്: ബ്രഹ്മ മുഹൂർത്ത സമയത്ത് കഴിക്കുന്നത് രോഗങ്ങൾക്ക് കാരണമാകുന്നു.
സമ്മർദ്ദകരമായ പ്രവർത്തനം ചെയ്യരുത്: വളരെയധികം മാനസിക ജോലി ആവശ്യമുള്ള ഒന്നും ചെയ്യരുത്. അങ്ങനെ ചെയ്യുന്നത് ഒരാളുടെ ആയുസ്സ് കുറയ്ക്കുന്നു.
എല്ലാവർക്കും ബ്രഹ്മ മുഹൂർത്തത്തിൽ ഉണരാമോ ?
അഷ്ടാംഗ ഹൃദയ പ്രകാരം, ആരോഗ്യമുള്ള ഒരാൾ മാത്രമേ ബ്രഹ്മ മുഹൂർത്തത്തിൽ ഉണരാൻ പാടുള്ളു . ഇനിപ്പറയുന്ന ആളുകൾ ബ്രഹ്മ മുഹൂർത്തത്തിൽ ഉണരുന്നത് ധർമ്മശാസ്ത്രം തടയുന്നു
ഗർഭിണികൾ
കുട്ടികൾ
തുടക്കം മുതൽ ഈ സമയത്തു് ഉണർന്നുശീലമില്ലാത്ത പ്രായമായ ആളുകൾ
ഏതെങ്കിലും ശാരീരികവും മാനസികവുമായ അസുഖം ബാധിച്ച ആളുകൾ
കഴിച്ച ഭക്ഷണം ആഗിരണം ചെയ്യാത്ത ആളുകൾ (മലവിസർജ്ജനം ഇല്ലെങ്കിൽ അത് ദഹിക്കാത്ത ഭക്ഷണത്തെ സൂചിപ്പിക്കുന്നു )
(ഡോ. അഞ്ജലി അശോക്, ശ്രീ ശ്രീ ആയുർവേദം, പണ്ഡിറ്റ് വിശ്വജിത് എന്നിവർ വേദ അഗാമ സംസ്‌കൃത മഹാപാഠ ശാലയിൽനിന്ന് ശേഖരിച്ച വിവരങ്ങളുടെ അടിസ്ഥാനത്തിൽ.
എഴുതിയത് വന്ദിത കോത്താരി)